وەزارەتی دارایی لەبارەی بانکەکانی ناو "هەژماری من" ڕوونکردنەوە دەدات

ئاڤا نیوز

وەزارەتی دارایی و ئابووری حکومەتی هەرێمی کوردستان ڕایگەیاند، سەرجەم بانکە بەشداربووەکانی ناو "هەژماری من" لە مایەپوچبوون پارێزراون.

وێنە گەورەکە: پرۆژەی هەژماری من دەستپێشخەرییەکی حکومەتی هەرێمی کوردستانە بۆ بەرەوپێشبردنی کەرتی بانکی و بەدیجیتاڵکردنی پارەدان بۆ تەواوی مووچەخۆران.

ژمارەکان وادەڵێن: بۆ مووچەی مانگی ئایار، 50 هەزار مووچەخۆر لەڕێگەی هەژماری منەوە مووچەیان وەرگرتووە، بەڵام بۆ مانگی حوزەیران ژمارەیان گەیشتووەتە 75 هەزار مووچەخۆر.

ڕاگەیێنراوی فەرمی: وەزارەتی دارایی و ئابووری هەرێمی کوردستان بڵاویکردەوە: هەواڵێک بۆ مووچەخۆرانی هەرێمی کوردستان لە لایەن کۆمپانیای عێراقی بۆ دەستەبەری بانکەکان، مووچەکانتان پارێزراوە.

زانیاریی زیاتر: سەرجەم بانکە بەشداربووەکانی "هەژماری من" لە لایەن کۆمپانیای عێراقی بۆ دەستەبەری بانکەکان بیمەیان بۆ کراوە و پارێزراون لە مایەپووچبوون.