لیستی مووچەی خانەنشینان بە گۆڕانکارییەوە بۆ بەغدا دەنێردرێت

ئاڤا  نیوز

ئامادەکاری بۆ هاوتاکردنی لیستی مووچەی مانگی حەوتی خانەنشینانی هەرێمی کوردستان تەواوکراوە و ڕەوانەی بەغدا دەکرێت.

وێنە گەورەکە: یاسای ژمارەی 9ـی خانەنشینی ماوەی 10 ساڵە لە عێراق کاری پێدەکرێت، بڕیارە ئەمساڵ بۆ خانەنشینانی هەرێمی کوردستانیش جێبەجێ بکرێت، بە جێبەجێکردنی ئەم یاسایەش مووچەی سەرجەم خانەنشینا زیاد دەبێت.

 

لێدوانی فەرمی: سەرچاوەیەکی تایبەت بە ئاڤا نیوزی ڕاگەیاند: بەڕێوەبەرایەتی گشتیی خانەنشینی نووسراوی بۆ وەزارەتی دارایی و ئابووری هەرێمی کوردستان کردووە، لیستی مووچەی خانەنشینانی هەرێمی کوردستان ئامادەیە و داوای کردووە ئەم مانگە لیستی خانەنشینان بە گۆڕانکارییەوە بۆ بەغدا بنێردرێت.

 

بۆچی گرنگە: بە جێبەجێکردنی یاسای خانەنشینی عێراق لە هەرێمی کوردستان، 227 هەزار و 541 خانەنشین لەم یاسایە سوودمەند دەبن، نزیکەی 50 ملیار دیناریش بۆ کۆی گشتی مووچەی خانەنشینانی هەرێمی کوردستان زیاد دەبێت.

 

باکگراوند: ڕۆژی 3ـی تەمموزی ئەمساڵ، ئەنجومەنی وەزیرانی حکومەتی هەرێمی کوردستان هاوتاکردنی مووچەی خانەنشیانی هەرێمی کوردستانی لەگەڵ عێراق پەسەند کرد.