BMW نزیکەی 400 هەزار ئۆتۆمبێل لە بازاڕەکان دەکشێنێتەوە

ئاڤا نیوز

بەهۆی کێشەیەکی تەکنیکی کۆمپانیای BMW زیاتر لە 400 هەزار ئۆتۆمبێل لە بازاڕەکانی ئەمریکا دەکشێنێتەوە.

هۆکارە زانراوەکان: کێشەکە پەیوەستە بە ترۆمپای هەوا کە ڕووداوی تەقینەوە دروست دەکات، دەبێتە هۆی برینی سەخت و تەنانەت مەترسی گیانلەدەستدانی شۆفێر و سەرنشینەکانیشی هەیە. 

ڕاگەیێنراوی فەرمی: فەرمانگەی سەلامەتی هاتووچۆی نیشتمانیی ئەمریکا ڕایگەیاند، ڕەنگە هۆکاری سەرەکی کێشەکە ئەوە بێت کە سووکانی ئۆتۆمبێلەکە بە سووکانێکی وەرزشی گۆڕدرابێت، کە ترۆمپای هەوای تێدایە و لە بەرهەمی کۆمپانیای تاکاتایە. 

ئەوەی پێویستە بیزانیت: تاوەکو ئێستا کۆمپانیای BMW هیچ ڕاپۆرتێکی لەبارەی کێشەکە بڵاونەکردووەتەوە، بەڵام بڕیارە لەلایەن بریکارەکانییەوە پشکنین و گۆڕینی بەخۆڕایی بۆ سیستەمی سووکان و سیستەمی کیسە هەوا (AirBag) بۆ  ئۆتۆمبێلەکان بکات. 

ئەمەش بزانە: ئەو ئۆتۆمبێلانەی کێشەیان تێدایە بریتین لە مۆدێلەکانی سێ، وەک (324i  325i - 325xi - 328i - 328xi - 330i - 330xi -  335i - 335xi) و ئۆتۆمبێلی سپۆرت لە مۆدێلەکانی سێ (325xi - 328i - 328xi) هەروەها سیدانی (335d) کە لە ساڵانی 2006 بۆ 2012 بەرهەمهێنراون.