لە دهۆک پڕۆژەیەکی گەورەی سامانی ماسی دروست دەکرێت

ئاڤا نیوز

 

گەورەترین پڕۆژەی سامانی ماسی لەسەر ئاستی ھەرێمی کوردستان و عێراق لە پارێزگای دھۆک دروست دەکرێت و کارکردن تێیدا بەردەوامە.

 

وێنە گەورەکە: بایەخدان و بەرەوپێشبردنی زیاتری بەرهەمهێنان، یەكێكە لە پلانە ستراتیژییەکانی كابینەی نۆیەمی حكومەتی هەرێمی كوردستان، لەو چوارچێوەیەشدا پڕۆژەی بەرهەمی ماسی لە دهۆک دروست دەکرێت.

 

بۆچی گرنگە: پڕۆژەکە کاریگەری لەسەر بازاڕی ماسی دەبێت، ئەمە جگە لە پڕکردنەوەی بەشێکی خواستی ماسی لە هەرێمی کوردستان.

 

لێدوانی فەرمی: ڕێدیر سدقی، بەڕێوەبەری سامانی ئاژەڵ لە دھۆک، بە ئاڤا نیوزی گوت: پڕۆژەکە لە بەنداوی مووسڵ دروست دەکرێت و قۆناغی یەکەمی تەواوبووە، لە پڕۆژەکەدا نوێترین تەکنەلۆژیا بەکاردەهێنرێت و کارگەی عەلەفیش بۆ بەخێوکردنی ماسی لەخۆ دەگرێت.

 

زانیاریی زیاتر: پڕۆژەکە بە سێ قۆناغ دروست دەکرێت و بەرھەمی ئەو بەشەی کە تەواو بووە ھەزار و 200 تۆنە.