عێراق 60 ملیۆن دینار بۆ پێشینەی خانووبەرە بە هاووڵاتیان دەدات

ئاڤا نیوز

 

وەزارەتی ئاوەدانکردنەوە و نیشتەجێکردنی عێراق ڕایگەیاند، ئامادەکاریی دەکەن بۆ ئەوەی 60 ملیۆن دینار بۆ پێشینەی خانووبەرە بە هاووڵاتیان بدرێت. 

 

لێدوانی فەرمی: نەبیل سەفار، گوتەبێژی وەزارەتی ئاوەدانکردنەوە و نیشتەجێکردن ڕایگەیاند، وەزارەتەکەیان ڕەزامەندی داوە لەسەر وەرگرتنی مامەڵەی هاووڵاتیان بۆ داواکردنی قەرزی خانووبەرە بە بڕی 60 ملیۆن دینار کە بە قیست بۆیان خەرج دەکرێت. 

 

زانیاریی زیاتر: وەزارەتەکە بڕی 750 ملیار دیناری مسۆگەر کردووە، کە بەپێی ڕێنماییەکانی یاسای سندووقی نیشتەجێبوون خەرج دەکرێت، ڕێگە بە هەر هاووڵاتییەک دەدات داوای قەرز بکات بە مەرجێک خاوەنی پارچە زەوییەک بێت کە لە 100 مەتر چوارگۆشە کەمتر نەبێت.

 

ئەوەی پێویستە بیزانیت: نزیکەی شەش هەزار مامەڵەی قەرز ڕادەستی سندووقی نیشتەجێبوون کراوە، بڕیارە پارەکە لە ماوەی کورتی داهاتوودا  بۆیان خەرج بکرێت.