32 هەزار مامۆستا لەڕێگەی هەژماری من مووچەی مانگی حوزەیران وەردەگرن

ئاڤا نیوز

 

حکومەتی هەرێمی کوردستان ڕایدەگەیێنێت، ئەم مانگە 32 هەزار مامۆستا لەڕێگەی هەژماری منەوە مووچەی مانگی حوزەیران وەردەگرن.

 

وێنە گەورەکە: پرۆژەی هەژماری من دەستپێشخەرییەکی حکومەتی هەرێمی کوردستانە بۆ بەرەوپێشبردنی کەرتی بانکی و بەدیجیتاڵکردنی پارەدان بۆ تەواوی مووچەخۆران.

 

بڵاوکراوەی فەرمی: حکومەتی هەرێمی کوردستان ڕایگەیاند: لە کۆی 75 هەزار مووچەخۆر، ئەم مانگە بۆ یەکەمجار 32 هەزار مامۆستا، مووچەکانیان لەڕێگەی هەژماری منەوە زووتر لە کاتی خۆی وەردەگرن.

 

ژمارەکان وادەڵێن: بۆ مووچەی مانگی ئایار، 50 هەزار مووچەخۆر لەڕێگەی هەژماری منەوە مووچەیان وەرگرتووە، بەڵام بۆ مانگی حوزەیران ژمارەیان گەیشتووەتە 75 هەزار مووچەخۆر.