وەزارەتی دارایی لیستی مووچە بڵاودەکاتەوە و لەبارەی مووچەی دوو توێژ ڕوونکردەوە دەدات

ئاڤا نیوز

وەزارەتی دارایی خشتەی مووچە بڵاودەکاتەوە و لەبارەی  دابەشنەکردنی مووچەی وەزارەتێک و سەرۆکایەتییەکیش ڕوونکردنەوە دەدات و دەڵێت لەلایەن  بەغدا پارەیان بۆ نەنێردراوە.

وێنە گەورەکە: وەزارەتی دارایی و ئابووریی هەرێمی کوردستان خشتەی مووچەی مانگی شەشی فەرمانبەرانی مەدەنی بڵاوکردەوە و لە ماوەی دوو ڕۆژ دابەش دەکرێت، بەڵام خشتەکە وەزارەتی کارەبا و سەرۆکایەتیی پەرلەمانی تێدا  نییە.

ڕاگەیێنراوی فەرمی:  وەزارەتی دارایی و ئابووری ڕوونی کردووەتەوە، ئەو دوو توێژە لەلایەن بەغدا پارەیان بۆ نەنێردراوە، لەگەڵ وەزارەتی دارایی عێراق لەسەر هێڵن بۆ چارەسەرکردنی ئەو گرفتەی دروست بووە.
 
زانیاریی زیاتر: دابەشکردنی مووچە ڕۆژی چوارشەممە ڕێکەوتی 10-7-2024، بە وەزارەتی تەندروستی دەستپێدەکات و ڕۆژی پێنجشەممە 11-7-2024، بە سەرۆکایەتیی ئەنجوومەنی وەزیران کۆتایی دێت. 

لەلایەکی دیکەوە: خشتەکە مووچەی پێشمەرگە و هێزە ئەمنییەکانی تێدا  نییە، تەنانەت تاوەکو ئێستا مووچەی مانگی پێنجیشیان وەرنەگرتووە، ئێستاش لیژنەیەکی حکومەتی عێراق لە هەولێرە بۆ وردبینیکردن لە ناوەکانیان و وەزیری پێشمەرگە دەڵێت لە دوو ڕڕۆژی داهاتوودا کێشەکە چارەسەر دەکرێت.