ئەمریكا: ئێمە هێرشەكەی بەغدامان ئەنجامداوە

ئاڤا دیجیتاڵ

 

شەوی ڕابردوو، هێرشێکی درۆنی کرایە سەر ئۆتۆمبێلێک لە بەغدا؛ فەرماندەیەكی کەتائیبی حیزبوڵڵا كوژرا و سوپای ئەمریکا گوتی: "ئەو فەرماندەیە راستەوخۆ بەرپرسبووە لە هێرشكردنە سەر هێزەكانی ئەمریكا".

 

ڕاگەیێنراوی فەرمی: "لە وەڵامی ئەو هێرشانەی کرانە سەر ئەندامەکانمان، کاتژمێر 9:30ـی شەوی حەوتی شوبات، هێزەکانی سەر بە فەرماندەی ناوەندیی ئەمریکا (سێنتکۆم) هێرشێکی تاکلایەنەی لە عێراق ئەنجام دا، فەرماندەی کەتائیبی حیزبوڵڵامان کوشت، کە بەرپرسی ڕاستەوخۆی نەخشەدانان و بەشدار بوو لە هێرشەکانی سەر هێزەکانی ئەمریکا لە ناوچەکەدا. تاوەکو ئێستا هیچ  نیشانەیەکی زیانی لاوەکی و قوربانیی خەڵکی سڤیل نییە". فەرماندەی ناوەندیی ئەمریکا ڕایگەیاند.

 

باکگراوند: دوای ئەو هێرشە درۆنییە، خۆپیشاندان لە شوێنی بۆردوومانەکە دەستیپێکرد. دواتر خۆپیشاندەران بەرەو دەرگای ناوچەی سەوز ڕۆیشتن و درووشمیان دژی ئەمریکا و ئیسرایل دەگوتەوە: "نەخێر بۆ ئەمریکا و مردن بۆ ئیسرائیل".