دادگه‌ی فیدراڵی داوایەكی بۆ هەڵوەشاندنەوەی ئەنجوومەنی پارێزگای دیالە پەسەند كرد

ئاڤا نیوز

 

بزووتنەوەی جەماوەری دیالە، لە دادگه‌ی فیدراڵی عێراق سکاڵای یاسایی بۆ هەڵوەشاندنەوەی ئەنجوومەنی پارێزگای دیالە تۆمار كرد و داواكەش پەسەند كرا.

وێنە گەورەکە: ئەنجوومەنی پارێزگای دیالە، بەهۆی ناکۆکییە سیاسییە ئاڵۆزەکانی نێوان لایه‌نه‌كانه‌وه،‌ لە مانگی شوباتی ڕابردووەوە نەیتوانیوە یه‌كه‌م دانیشتنی خۆی ئه‌نجام بدات.

لێدوانی فەرمی: عەممار شەنبە تەمیمی، سەرۆکی بزووتنەوەی جەماوەری دیالە ڕایگەیاند:" دادگه‌ی فیدراڵی داواکەی بۆ هەڵوەشاندنەوەی ئەنجوومەنی پارێزگای دیالە په‌سه‌ند كردووە و لە ماوەی 10‌ ڕۆژدا بانگهێشتی ئەندامانی ئەنجومەنه‌كه‌ ده‌كات".

ئەوەی پێویستە بیزانیت: ئەنجوومەنی پارێزگای دیالە لە 15 کورسی پێكدێت، هاوپەیمانی نیشتمانی دیالە بە سەرۆکایەتیی موسەننا تەمیمی پارێزگاری ئێستا، لە پلەی یەکەمی لیسته‌كاندایه ‌و خاوه‌نی چوار کورسییه‌.