ئەمریکا هێرشی کردە سەر حەشدی شەعبی لە بەغدا

ئاڤا دیجیتاڵ

 

شەوی ڕابردوو، هێرشێکی درۆنی کرایە سەر ئۆتۆمبێلێک لە بەغدا؛ فەرماندەیەكی کەتائیبی حیزبوڵڵا كوژرا و ئەمریکا بەرپرسیارێتیی هێرشەکەی لە ئەستۆ گرت.

 

چی ڕوویدا؟ شەوی ڕابردوو لە بەغدا، درۆنێک سێ مووشەکی ئاراستەی ئۆتۆمبێلێک کرد و سێ کەسی کوشت. یەکێکیان ئەبو باقر ساعیدی، فەرماندەی کەتائیبی حیزبوڵڵا بوو.

 

زانیاریی زیاتر: هێرشەکە لە ناوچەی مەشتەل لە باشووری بەغدا کرا و ئەو ئۆتۆمبێلەی بۆردوومانکرا لە جۆری (جێپ) بوو.  دوای هێرشەکە لە شوێنی بۆردوومانەکە، خۆپیشاندانی لایەنگرانی حەشدی شەعبی تاوەکو بەرەبەیان بوو، خۆپیشاندەران چوونە بەردەوام دەرگای ناوچەی سەوزی بەغدا و درووشمیان دژی ئەمریکا و ئیسرائیل گوتەوە. 

 

باکگراوند: لەدوای كوژرانی ئەبو مەهدی موهەندیس، ئەبو باقر ساعیدی، باڵاترین فەرماندەی حەشدی شەعبییە کە ئەمریکا کوشتوویەتی.