لەسەرەتای ئەمساڵەوە 230 تۆڕی بازرگانیی بە ماددەی هۆشبەر دەستگیركراون

ئاڤا نیوز

  
وەزارەتی ناوخۆی عێراق ده‌ستگیركردنی 230 تۆڕی بازرگانیی ماددەی هۆشبەری له‌سه‌ره‌تای ساڵی 2024 راگه‌یاند، ده‌ستی به‌سه‌ر دوو تۆن مادده‌ی هوشبه‌ریشدا گرتووە .
 
وێنە گەورەکە: عێراق بووەتە گۆڕەپانی بازرگانانی ماددەی هۆشبەر و چەندین تۆڕی خۆماڵی و نێودەوڵەتی کاری کڕین و فرۆشتن بەو ماددانەوە دەکەن.

لێدوانی فەرمی: میقداد میری، گوتەبێژی وەزارەتی ناوخۆی عێراق ڕایگەیاند: "لە سەرەتای ئەمساڵەوە 230 تۆڕی بازرگانیی ماددەی هۆشبەرمان ده‌ستگیركردووه‌ له‌نێویاندا 27 تۆڕی بازرگانی نێودەوڵەتین ".

 

زانیاریی زیاتر: میقداد میری ئاماژه‌ی به‌وهش‌كرد ‌مادده‌ی ( کەپتاگۆن ) لە سووریاوە دێت، کریستاڵی (میسامفیتامینیش) له‌رێگه‌ی ئێرانەوە لە ئەفغانستانەوە دێت.

 

ئەوەی پێویستە بیزانیت: لە ساڵی 2023 نزیكه‌ی 19 هەزار  بازرگانی مادده‌ی هوشبه‌ر له‌ عێراق ده‌ستگیركراون  و زیاتر لە 150 بازرگانیان نێودەوڵەتی بوون.