بازرگانێک بە 175 هەزار دەنکە حەبی هۆشبەرەوە دەستگیر دەکرێت

ئاڤا نیوز  

بەڕێوەبەرایەتی بەرەنگاربوونەوەی ماددە هۆشبەرەکان لە عێراق، دەستگیرکردنی بازرگانێک و دەستبەسەرداگرتنی 175 هەزار دەنک حەبی هۆشبەری ڕاگەیاند.

وێنە گەورەکە: سەرەڕای دەستگیرکردنی دەیان بازرگانی نێوخۆیی و بیانی لە عێراق، بەڵام وڵاتەکە بووەتە گۆڕەپانی ساغکردنەوەی ماددە هۆشبەرەکان و بازاڕی تۆڕە نێودەوڵەتییەکانی ئەو ماددانە.

ڕاگەیێنراوی فەرمی: بەڕێوەبەرایەتی بەرەنگاربوونەوەی ماددە هۆشبەرەکان لە پارێزگای نەجەف ڕایگەیاند: هێزەکانمان سەرکەوتوو بوون لە دەستگیرکردنی بازرگانێکی ماددەی هۆشبەر کە 175 هەزار حەبی ماددەی هۆشبەر پێبوو.

ئەوەی پێویستە بیزانیت: وەزارەتی ناوخۆی عێراق ڕۆژی 15-5-2024 ڕایگەیاند: لە ماوەی نێوان ساڵی 2023 بۆ 2024، سزای لە سێدارەدان و زیندانی تا هەتایی بۆ نزیکەی 100 تۆمەتباری نێوخۆیی و نێودەوڵەتی ماددە هۆشبەرەکان دەرکراوە.