بەشی دووەم و سێیەمی پارەی گەنمی جووتیاران دابەش دەکرێت

ئاڤا  نیوز

 

ڕێکارە کارگێڕییەکانی دابەشکردنی بەشی دووەم و سێیەمی پارەی گەنمی جووتیاران تەواو بوون، لە ماوەی چەند ڕۆژی داهاتوودا سەرجەم ئەو جووتیارانە پارەکەیان وەردەگرن کە گەنمیان وەرگیراوە.

 

وێنە گەورەکە: حکومەتی عێراق 52 ملیار دیناری بۆ جووتیارانی هەرێمی کوردستان ناردووە، شەش ملیاری دابەش کراوە، ئەمڕۆ یەکشەممە 30-06-2024، دەست بە دابەشکردنی بەشێکی دیکەی دەکرێت.

 

لێدوانی فەرمی: نەوزاد شێخ کامیل، بەڕێوەبەری گشتیی بازرگانی بە ئاڤا نیوزی گوت، پڕۆسەی ناردنی پارە بەردەوام دەبێت، چاوەڕوان دەکرێت لەم هەفتەیەدا بەشێکی دیکەی پارەکە بگات.

 

ئەوەی پێویستە بیزانیت: ئەمساڵ حکومەتی عێراق 700 هەزار تۆن گەنم لە جووتیارانی هەرێمی كوردستان وەردەگرێت، تاوەکو ئێستا زیاتر لە 311 هەزار تۆن وەرگیراوە و لە 10 سایلۆ و دوو کۆگا کۆکراوەتەوە.