وەزیری دادی عێراق كوتایهێنانی به‌ دۆسیه‌ی زیندانییانی (VIP) ڕاگەیاند

ئاڤا نیوز

بە مەبەستی بەدیهێنانی یەکسانی لە نێوان زیندانییاندا، وەزیری دادی عێراق كوتایهێنانی به‌ دۆسیه‌ی زیندانییانی (VIP) ڕاگەیاند.

وێنە گەورەکە: دۆسیەی زیندانیانی (VIP) لە عێراق دەمێكە بووەتە جێگەی باس، پێشتر لیژنەی مافی مرۆڤی پەرلەمان لە ساڵی 2023 ڕایگەیاند بەشێك لە زیندانیان لە زیندان مۆبایلیان پێیە و وەكو مافیا مامەڵە دەكەن و ماددەی هۆشبەریش بەكاردەهێنن.

لێدوانی فەرمی: خالد شوانی، وەزیری دادی عێراق ڕایگەیاند:"ئێمە بە یەکسانی مامەڵە لەگەڵ زیندانییان دەکەین بەبێ گوێدانە پۆستەکانیان، زیندان و هۆڵ و ژووری (VIP)  لە چاکسازییەکاندا داخران و کۆتایی به‌و دۆسیه‌یه‌ هات" .

ئەوەی پێویستە بیزانیت: پێشتر لیژنەی مافی مرۆڤی پەرلەمانی عێراق بڵاوی كرده‌وه‌: "لە زیندانەکانی عێراقدا ژووری (VIP) ی هه‌یه‌ و کرێی ڕۆژانه‌ی ده‌گاته‌ 300 هەزار دینار‌".