تیمی هەژماری من: تاوەکو ساڵی 2025 ملیۆنێک مووچەخۆر دەبنە خاوەن هەژماری بانکی

ئاڤا نیوز

 

پرۆسەی بەدیجتاڵکردنی مووچەی مووچەخۆران لە هەژماری من بەردەوامە و لەلایەن مووچەخۆرانەوە پێشوازی زیاتری لێدەکرێت؛ حکومەت دەڵێت، تاوەکو ساڵی 2025 ملیۆنێک مووچەخۆر دەبنە خاوەن هەژماری بانکی خۆیان.

 

وێنە گەورەکە: تاوەکو ئێستا 400 هەزار مووچەخۆر لە پڕۆژەی 'هەژماری من' تۆمارکراون و 220 هەزار کارتیش بە مووچەخۆران دراونەتەوە و پرۆسەکەش بەردەوامە.

 

بڵاوکراوەی فەرمی: تیمی هەژماری من ڕایگەیاند: "ملیۆنێک کەس لە هەرێمی کوردستان، لە ساڵی 2025 دەبنە خاوەن هەژماری بانکیی خۆیان".

 

خاڵی ئەرێنی: پرۆژەی هەژماری من دەستپێشخەرییەکی حکومەتی هەرێمی کوردستانە بۆ بەرەوپێشبردنی کەرتی بانکی و بەدیجیتاڵکردنی پارەدان بۆ تەواوی مووچەخۆران، ئەمەش پشتبەستن بە مامەڵەی کاش کەم دەکاتەوە.