چوار ملیۆن دینار بە توێژەرانی زانکۆ دەدرێت

ئاڤا نیوز  

سەرۆکوەزیرانی عێراق، وەزارەتی خوێندنی باڵا و توێژینەوەی زانستی پابەند دەکات پاداشتی چوار ملیۆن دینار بدات بە توێژەرانی زانکۆ، لە بەرامبەر بڵاوکردنەوەی توێژینەوەکانیان لە یەکێک لە گۆڤارە نێودەوڵەتییەکان.

ڕاگەیێنراوی فەرمی: ئەمینداریەتی گشتی ئەنجوومەنی وەزیرانی عێراق ڕایگەیاند: محەممەد شیاع سوودانی، سەرۆکوەزیرانی عێراق وەزارەتی خوێندنی باڵا و توێژینەوەی زانستی پابەند دەکات بە هەماهەنگی لەگەڵ وەزارەتی دارایی بۆ خەرجکردنی بڕی چوار ملیۆن دینار وەک پاداشت بۆ ئەو "فەرمانبەرانەی خزمەتی زانکۆ" دەکەن لە بەرامبەر بڵاوکردنەوەی هەر توێژینەوەیەک لە گۆڤارە نێودەوڵەتییەکاندا.

ئەوەی پێویستە بیزانیت: بڕیارەکە پاڵپشت بە یاسای خزمەتی زانکۆیی ژمارە 23ی ساڵی 2008 هەموار کراو دەکراوە، وەزارەتی خوێندنی باڵا و توێژینەوەی زانستی، بە هەماهەنگی لەگەڵ وەزارەتی پلاندانان و سەندیکای ئەکادیمی دەبێت.