لە نەجەف خێوەتێکی زیارەتکاران دەڕووخێت و 15 زیارەتکار برینداردەبن

ئاڤا دیجیتاڵ

 

سەدان هەزار موسڵمانی شیعەمەزهەب لە عێراق و وڵاتانی دیکە، بەشدارییان لە ڕێوڕەسمی "کۆچی دوایی ئیمام موسای کازم" لە بەغدا کرد؛ وەزیری ناوخۆ عێراق گوتی، پلانی ئەمنی پەیوەست بە رێورەسمەکە سەرکەوتووبوو.

 

ڕاگەیێنراوی فەرمی: فەرمانگەی تەندروستیی نەجەف ڕایگەیاند: "لە شارۆچکەی مشخابی سەر بە پارێزگای نەجەف، خێوەتێکی زیارەتکارانی شیعە ڕووخاوە، زیاتر لە 15 زیارەتکار برینداربوونە و گەیێنراونەتە نەخۆشخانەی گشتیی شارەکە".

عەلی حەسەن عەبادی، بەڕێوبەری نەخۆشخانەی گشتیی میشخاب لەبارەی دۆخی تەندروستیی بریندارەکانەوە گوتی: "بەشێکیان زامداربوونە و ئێسکیان شكاوە، بەڵام تەندروستییان جێگیرە".

باکگراوند: سێشەممە 06-02-2024 ساڵرۆژی "کۆچی دوایی" ئیمام موسای کازم یەکێک لە ئیمامەکانی شیعە بوو، سەدان هەزار زیارەتکار لە پارێزگاکانی عێراق و دەرەوەی وڵاتەوە سەردانی بەغدا، نەجەف و کەربەلایان کرد کە مەزارگەی ئیمامەکانی شیعەی لێیە.