دوو گه‌نده‌ڵی گه‌وره‌ له‌ پارێزگای نه‌ینه‌وا ئاشكرا ده‌كرێت

ئاڤا نیوز

دەستەی دەستپاکیی عێراق، دوو گەندەڵیی دارایی گه‌وره‌ لە هه‌ردوو بەڕێوەبەرایەتیی پەروەردەی نەینەوا و بەشی شارەوانیی موسڵ ئاشکرا كرد.

ڕاگەیێنراوی فەرمی: دەستەی دەستپاکیی عێراق بڵاوی كرده‌وه‌: "تیمه‌كانمان له‌ به‌ڕێوه‌به‌رایه‌تیی شاره‌وانیی موسڵ گه‌نده‌ڵییه‌كی گه‌وره‌یان له‌ گرێبەستی بەکرێدانی شەقامی بازاڕی نەبیی یونس ئاشکرا كرد کە بڕەکەی (350) ملیۆن دینارە، جگە لەوەی ئەو شەقامە له‌بنه‌ڕه‌تدا بۆ بەرژەوەندیی گشتی دیاری کراوە".

زانیاریی زیاتر: "له‌ ئه‌نجامی لێکۆڵینەوه‌ و کۆكردنه‌وه‌ی زانیاری ده‌ركه‌وت كه‌ بەشی ژمێریاری لە بەڕێوەبەرایەتیی پەروەردەی پارێزگای نەینەوا، چه‌ندین پسوولەی ساختەیان بۆ نۆژەنکردنەوەی شەش قوتابخانە به‌بڕی 698 ملیۆن دینار ئاشكرا كردووه‌". دەستەی دەستپاکی وادەڵێت.

وێنە گەورەکە: بەگوێرەی ڕێکخراوی شەفافیەتی نێودەوڵەتی، عێراق یەکێکە لە گەندەڵترین وڵاتانی جیهان.