ئەمساڵ لە هەولێر نیوەی ساڵی ڕابردوو قوربانی کراوە

ئاڤا نیوز

 

بەڕێوەبەرایەتیی کوشتارگەی هەولێر ڕایدەگەیێنێت، بەراورد بە ساڵانی ڕابردوو، ئەمساڵ قوربانیکردن لە هەولێر کەم کراوە.

وێنە گەورەکە: ساڵانە لە جەژنی قورباندا موسڵمانانی کوردستان هاوشێوەی موسڵمانانی جیهان قوربانی دەکەن کە سوننەتێکی دیارە لە ئایینی ئیسلامدا.

 

ڕاگەیێنراوی فەرمی: بەڕێوەبەرایەتیی کوشتارگەی هاوچەرخی هەولێر بڵاوی کردووەتەوە: "لە هەر چوار ڕۆژی جەژنی قورباندا، هەزار و 28 سەر ئاژەڵی گەورە و بچووک لە کوشتارگەکان کراونەتە قوربانی". 

زانیاریی زیاتر: لە ساڵی 2023 دا هاونیشتیمانییانی هەولێر بۆ جەژنی قوربان هەزار و 872 ئاژەڵی گەورە و بچووکیان کردبووە قوربانی.

ئەمەش بزانە: ئامارەکە تەنیا تایبەتە بەو ئاژەڵانەی لە کوشتارگەکان و لە سەنتەری هەولێر سەربڕاون، ئەمە لەکاتێکدایە خەڵکێکی زۆر لە ماڵەوە قوربانی دەکەن و ئاژەڵەکان نابەنە کوشتارگەکان.