كۆبوونەوەی ئەنجوومەنی پارێزگای بەغدا
ئاڤا دیجیتاڵ
لە یەکەمین کۆبوونەوەی خولی چوارەمی ئەنجوومەنی پارێزگای بەغدا عەبدولموتەلیب عەلەوی بە پارێزگار و عەمار حوسێن بە سەرۆکی ئەنجوومەنی پارێزگای بەغدا هەڵبژێردران. پێشتریش عەممار حوسێن قەیسی بە سەرۆکی ئەنجوومەن و محەممەد جاسم حەمود بە جێگری سەرۆکی ئەنجوومەنەکە هەڵبژێردران.
بۆچی گرنگە: لە هەڵبژاردنی ئەنجوومەنی پارێزگاکانی عێراق لەبەغدا لیستەکەی محەممەد حەلبووسیی سەرۆکی لەسەر لادراوی ئەنجوومەنی نوێنەرانی عێراق براوەی یەکەم بوو، ئەمەش وایکرد لیستە شیعییەکان بەتایبەتیش هاوپەیمانی دەوڵەتی یاسا ڕێگە نەدەن پارێزگار لە لیستێک بێت کە سەرۆکەکەی سووننە بێت، ئەو پرسە بەسترایەوە بە دۆسیەی بوونەوەی حەلبووسی بە سەرۆکی ئەنجوومەنی نوێنەرانی عێراق، دوای ئەوەی بەبڕیارێکی دادگای باڵای فیدراڵی عێراق لەسەر سکاڵای پەرلەمانتارێک لەپۆستەکەی دوورخرایەوە، پێدەچێت ئەمە هەنگاوێکی نوێ بێت بۆ یەکلایی کردنەوەی پۆستی سەرۆکی ئەنجوومەنی نوێنەرانی عێراق.
چیرۆکی سەرەکی: کاتژمێر هەشتـی شەوی (پێنجـی شوباتی 2024) ئەندامانی ئەنجوومەنی هەڵبژێردراوی بەغدا کۆبوونەوە لە کۆی 53 ئەندام، 44 ئەندام ئامادەبوون کە هاوپەیمانی تەقەدووم بە سەرۆکایەتی محەممەد حەلبووسی بایکۆتی دانیشتنەکەیان کرد و بە دەنگی 39 ئەندامی ئەنجوومەن، عەممار قەیسی بە سەرۆکی ئەنجوومەنی پارێزگای بەغدا هەڵبژێردرا کە لە هاوپەیمانی عەزمە بە سەرۆکایەتی موسەننا سامەرائی.
دواتریش عەبدولموتەڵب عەلەوی لە هاوپەیمانی دەوڵەتی یاسا بە 52 دەنگ بە پارێزگاری بەغدا هەڵبژێردرا، دوای ئەوەی لە بەشی دووەمی کۆبوونەوەکە، ئەندامانی هەوپەیمانی تەقەدووم گەڕانەوە بۆ بەشداریکردن لە یەکەم دانیشتنی ئەنجوومەنی پارێزگای بەغدا.
ئەنجوومەنی پارێزگای بەغداد لە 49 کورسی پێکهاتووە لەگەڵ چوار کورسی کۆتای پێکهاتەکانی کوردی فەیلی و کریستیانەکان.
پاشخان: ڕۆژی (21 ی کانوونی دووەمی 2024) دادوەر عومەر ئەحمەد، سەرۆکی کۆمیسیۆنی باڵای سەربەخۆی هەڵبژاردنەکانی عێراق رایگەیاند: ئەنجوومەنی کۆمیسیارانی کۆمیسیۆنی هەڵبژاردنەکانی عێراق ئەنجامی هەڵبژاردنەکانی ئەنجوومەنی پارێزگاکانی عێراقی پەسەند کرد.
سەر لە بەیانیی رۆژی (16ـی کانوونی یەکەمی 2023) دەنگدانی تایبەت و رۆژی 18 ی کانوونی یەکەمی 2023، دەنگدانی گشتیی لە هەڵبژاردنی ئەنجوومەنی پارێزگاکانی عێراق لە 15 پارێزگای عێراق و ناوچە کوردستانییەکان دەستیپێکرد، تا کاتژمێر شەشی ئێوارە بەردەوام بوو.
دوانیوەڕۆی رۆژی (19ـی کانوونی یەکەمی 2023) کۆمیسیۆنی باڵای سەربەخۆی هەڵبژاردنەکانی عێراق ئاماری کۆتایی بەشداریی دەنگدەران لە هەردوو هەڵبژاردنی تایبەت و گشتیی ئەنجوومەنی پارێزگاکانی عێراقی بڵاوکردەوە. بە گوێرەی ئامارەکان، رێژەی بەشداریی دەنگدەران لە هەڵبژاردنەکە سەدا 41 بووە.
پرۆفایلی پارێزگاری نوێی بەغدا
عەبدولموتەلیب عەلی عەلەوی ، پسپۆڕی راوێژکار و پلانی ستراتیژییە
پێشتر ئەندامی لیژنەی راوێژکارانی ئەنجوومەنی وەزیران بووە، بەربژێری دەوڵەتی قانون بوو بۆ پۆستی پارێزگاری بەغدا
لەهەڵبژاردنی ئەنجوومەنی پارێزگاکان حەوت هەزار و 629 دەنگی هێناوە
لە ساڵی 1973 لەبەغدا لەدایکبووە، خاوەنی بڕوانامەی بەکالۆریۆس و ماستەرە لە ئیدارە و ئابووریی زانکۆی بەغدا.
زیاتر لەسەر ئەم بابەتانە بکۆڵەرەوە
ئاڤا دیجیتاڵ
Editor
دوایین هەواڵەکان
- کوردستان
- 3 کاتژمێر لەمەوپێش
پێنج بەربژێری دیکە لەلایەن کۆمیسیۆن دووردەخرێنەوە
- عێراق
- 4 کاتژمێر لەمەوپێش
دادگای فیدراڵی دەستەی میدیا و پەیوەندییەکانی خستە ژێر دەسەڵاتی پەرلەمان
- بزنس
- 4 کاتژمێر لەمەوپێش
بایۆمەتریی مووچەی مامۆستایانی گرێبەست دەستپێدەكات
- بزنس
- 4 کاتژمێر لەمەوپێش
دەنگۆی هاوردەكردنی تەماتە بەنهێنی بۆ هەرێمی كوردستان ڕەتدەكرێتەوە
هەڵبژاردەکان بۆ تۆ
ڕەسووکە دەچێتە گوندی سرێشمەی باڵەکایەتی
5 کاتژمێر لەمەوپێش
ڕواندز و بیارە پێشبڕکێ بۆ بوون بە خۆشترین گوندی گەشتیاریی جیهان دەکەن
8 کاتژمێر لەمەوپێش
کاتی دابەشکردنی مووچە لە کوردستان و عێراق یەکدەخرێت
9 کاتژمێر لەمەوپێش
نهێنیی تەقینەوەی بێتەلەکانی حیزبوڵڵای لوبنان ئاشکرا دەبێت
17 ئەیلوول
پەیجەر چییە و بۆچی چەكدارانی حیزبوڵڵا بەكاریدەهێنن؟
17 ئەیلوول
- عێراق
- 4 کاتژمێر لەمەوپێش
دادگای فیدراڵی دەستەی میدیا و پەیوەندییەکانی خستە ژێر دەسەڵاتی پەرلەمان
- عێراق
- 5 کاتژمێر لەمەوپێش
عێراق دوای ڕووداوەکانی لوبنان ڕێوشوێنی خۆپارێزی دەگرێتەبەر
- عێراق
- 5 کاتژمێر لەمەوپێش
دوای هێرشەکانی لوبنان سەدر لە خۆپیشاندنی ملیۆنی پاشگەز دەبێتەوە
- عێراق
- 5 کاتژمێر لەمەوپێش
عێراق دەیەوێت سوود لە ئەزموونی هەرێمی کوردستان وەربگرێت
- عێراق
- 6 کاتژمێر لەمەوپێش
سوودانی بۆ سوپا: ئامادەکاری بۆ کشانەوەی هاوپەیمانیی نێودەوڵەتی بکەن
- عێراق
- 9 کاتژمێر لەمەوپێش
ئامێری پەیجەر لە عێراق نییە
- عێراق
- 10 کاتژمێر لەمەوپێش
لە عێراق لە یەک مانگدا پێنج هەزار هاوسەر جیابوونەتەوە