پووتین ژمارەی سەربازانی لە بەرەی شەڕ ئاشکرا دەکات

ئاڤا نیوز

پووتین ژمارەی سەربازانی وڵاتەکەی کە دژی ئۆکراینا لە جەنگدان ئاشکرا دەکات و دەڵێت ژمارەیان 700 هەزار سەربازە.

لێدوانی فەرمی: ڤلادیمیر پوتین، سەرۆکی ڕووسیا، لە میانەی کۆبوونەوەی ڕێزگرتن لە ژمارەیەک سەرباز و فەرماندەی وڵاتەکەی ڕایگەیاند "نزیکەی 700 هەزار سەرباز لەو شوێنەی کە ئۆپەراسیۆنی تایبەتی سەربازیی ئێمەی تێدا دەکرێت ئامادەن."

زانیاریی زیاتر: مانگی کانوونی دووەمی ڕابردوو پووتین ڕایگەیاند، 617 هەزار سەربازی ڕووسیا لە بەرەکانی جەنگدان.

لە لایەکی دیکەوە: ئۆکراینا بۆ کەمکردنەوەی جیاوازیی ژمارەی سەربازانی لەگەڵ ڕووسیا تەمەنی بوونە سەربازی لە 27 ساڵەوە بۆ 25 ساڵ کەمکردووەتەوە، سزاکانی هەڵهاتن لە سەربازیشی تووندتر کردوون.