وەزیری تەندروستی: 95%ـی بازاڕ کۆنترۆڵکراوە و دەرمانی قاچاخ و ماوەبەسەرچوو زۆر کەمبووەتەوە
- کوردستان
- 5 شوبات
د.سامان بەرزنجی، وەزیری تەندروستی وەڵامی چەند پرسیارێکی ئاڤا نیوز دەداتەوە
ئاڤا دیجیتاڵ
وەزیری تەندروستی ڕایدەگەیێنێت، 95%ی بازاڕی دەرمان لە هەرێمی کوردستان لەژێر چاودێریکردن و کۆنترۆڵدایە، بەم هۆکارەش دەرمانی قاچاخ و ماوەبەسەرچوو زۆر کەمبووەتەوە. ئاماژە بۆ ئەوەش دەکات پێداچوونەوە بە نرخی 14 هەزار دەرمان کراوە و نرخەکانیان کەمکراوەتەوە.
لە گفتوگۆیەکی کورتدا د.سامان بەرزنجی، وەزیری تەندروستی حکومەتی هەرێمی کوردستان وەڵامی چەند پرسیارێکی ئاڤا نیوز دەداتەوە.
ئاڤا نیوز: بۆچی تاوەکو ئێستا دەرمانی قاچاخ لە هەرێمی کوردستان هەیە و دەرمانی بێ ستیکەریش دەفرۆشرێت؟
د. سامان بەرزنجی: بەشێوەیەکی گشتی چاکسازی لە کەرتی تەندروستی بە ئاساتێکی زۆر باش گەیشتووە. دەرمانی قاچاخ زۆر کەمبووەتەوە و 95٪ ی بازاڕ لەژێر چاودێریکردن و کۆنترۆڵدایە. لەبارەی ڕێکخستنی نرخیش پێداچوونەوە بە 14 هەزار جۆری دەرمان کراوە، نرخەکان داشکان و کەمکردنەوەیان بۆ کراوە لە بەرژەوەندیی هاونیشتمانیان. وەزارەتی تەندروستی لیژنەی بۆ ئەو مەبەستە پێکهێناوە و دەست بە هەڵمەتێکی گەورەی گەڕان کراوە بۆ بنبڕکردنی دەرمانی قاچاخ و ماوەبەسەرچوو.
ئاڤا نیوز: بۆچی حکومەتی عێراق دەرمانی پێویست نانێرێت بۆ هەرێمی کوردستان بەتایبەتی دەرمانی شێرپەنجە؟
د. سامان بەرزنجی: ئێمە داوامان کردووە ئامێرە پزیشکییەکان و دەرمان و پێداویستییەکان بچێتە سەر بودجەی حاکیمە. ئەوەی ئێستا بەدەستمان دەگات زۆر کەمە و بەشی هەرێمی کوردستان ناکات، بەشێوەیەک ناگاتە 60%ی پڕکردنەوەی پێداویستییە تەندروستییەکان. هەرچەندە دەرمانەکانی شێرپەنجە زۆر گرانن، بەڵام لەڕێگەی سندووقی کۆمەک بۆ شێرپەنجە 90%ی دەرمانەکان لە ناوخۆی هەرێمی کوردستان دابیندەکرێت و بەغدا رێژەیەکی زۆر سنووردار و ڕەمزی دەنێرێت.
ئاڤا نیوز: هەوڵتان داوە لەگەڵ هەمواری یاسای بوجەی عێراق بەشەدەرمانی هەرێمی کوردستان زیادبکرێت؟
د. سامان بەرزنجی: بێگومان بەردەوام شاندی ئێمە بۆ ئەو مەبەستە لەگەڵ بەغدا لەسەر خەتن، دووجار وەزیری تەندروستی عێراق سەردانی هەرێمی کوردستانی کردووە، لەگەڵ سەرۆکوەزیرانی عێراقیش ئەو بابەتەمان باسکردووە و بەڵێنیان داوە ئەو کێشەیە لە کاتی پەسەندکردنی بوجە چارەسەر بکەن.
ئاڤا نیوز: ئەنجامی بەدواداچوون بۆ ئەو پارچە جەستە سووتاوانەی لە ماڵی پێشڕەو دزەیی دۆزرانەوە چی بوو؟
د.سامان بەرزنجی: ئەم پشکنینە ڕێککاری پێویستی دەوێت، چونکە هەم لەڕووی ئەمنییەوە و هەم لەڕووی پزیشکییەوە پێویستمان بەوەیە سامپڵی بەرامبەر هەبێت، واتە ئەندامێکی خێزانی میشێل دەبێت سامپڵی لێوەربگیرێت. بۆ ئەم مەبەستە پەیمانگەی پزیشکی دادوەری هەولێر لەگەڵ تیمەکانی وەزارەتی ناوخۆ و باڵیۆزخانەی فلیپین لەهەوڵدان و بەردەوامیشن [خانەوادەی میشێل لە فلیپین دۆزراوەتەوە و بڕیارە بەمزووانە یەکێک لە کوڕەکانی بێتە هەولێر]، دواتر دەرئەنجامێک بەفەرمی ڕادەگەیێنرێت.
دوایین هەواڵەکان
- کوردستان
- 4 کاتژمێر لەمەوپێش
پێنج بەربژێری دیکە لەلایەن کۆمیسیۆن دووردەخرێنەوە
- عێراق
- 4 کاتژمێر لەمەوپێش
دادگای فیدراڵی دەستەی میدیا و پەیوەندییەکانی خستە ژێر دەسەڵاتی پەرلەمان
- بزنس
- 4 کاتژمێر لەمەوپێش
بایۆمەتریی مووچەی مامۆستایانی گرێبەست دەستپێدەكات
- بزنس
- 4 کاتژمێر لەمەوپێش
دەنگۆی هاوردەكردنی تەماتە بەنهێنی بۆ هەرێمی كوردستان ڕەتدەكرێتەوە
هەڵبژاردەکان بۆ تۆ
ڕەسووکە دەچێتە گوندی سرێشمەی باڵەکایەتی
5 کاتژمێر لەمەوپێش
ڕواندز و بیارە پێشبڕکێ بۆ بوون بە خۆشترین گوندی گەشتیاریی جیهان دەکەن
8 کاتژمێر لەمەوپێش
کاتی دابەشکردنی مووچە لە کوردستان و عێراق یەکدەخرێت
9 کاتژمێر لەمەوپێش
نهێنیی تەقینەوەی بێتەلەکانی حیزبوڵڵای لوبنان ئاشکرا دەبێت
17 ئەیلوول
پەیجەر چییە و بۆچی چەكدارانی حیزبوڵڵا بەكاریدەهێنن؟
17 ئەیلوول
- کوردستان
- 4 کاتژمێر لەمەوپێش
پێنج بەربژێری دیکە لەلایەن کۆمیسیۆن دووردەخرێنەوە
- کوردستان
- 5 کاتژمێر لەمەوپێش
19 ساڵ بەسەر کۆچی دوایی مەرزیە فەریقی تێدەپەڕێت
- کوردستان
- 6 کاتژمێر لەمەوپێش
لە پڕۆژەیەکی درێژخایەندا قەڵای هەولێر نۆژەن دەکرێتەوە
- کوردستان
- 6 کاتژمێر لەمەوپێش
گۆڕینی پاسە کۆنەکان؛ مژاری گەرمی سلێمانییە
- کوردستان
- 8 کاتژمێر لەمەوپێش
ڕواندز و بیارە پێشبڕکێ بۆ بوون بە خۆشترین گوندی گەشتیاریی جیهان دەکەن
- کوردستان
- 8 کاتژمێر لەمەوپێش
گەڕەکی ژاڵەی سەروو لە سلێمانی بێ خزمەتگوزارییە