لە کەرکووك گەندەڵی لە کڕینی ئامێری پزیشکی کراوە

ئاڤا نیوز

 

دەستەی دەستپاکی ئاشکرای کرد، لیژنەکانیان توانیویانە گەندەڵی لە چەند گرێبەستێکی دابینکردنی کەرەستەی پزیشكی لە بەڕێوەبەرایەتیی تەندروستیی کەرکووک ئاشكرا بکەن کە بەهاکەی سەرووی 10 ملیار دینارە.

 

وێنە گەورەکە: دەستەی دەستپاکیی عێراق لەڕێگەی لیژنەیەکەوە، پشکنین بۆ گرێبەستەکان و شێوازی خەرجکردنی پارە لە وەزارەتەکانی حکومەتی عێراق دەکات.

 

ڕاگەیێنراوی فەرمی: دەستەی دەستپاکیی عێراق  ڕایگەیاند: "تیمەکانمان لە پارێزگای کەرکووک، چەندین کەیسی گەندەڵییان لە گرێبەستی کڕینی ئامێری پزیشكی دۆزیوەتەوە و بەهاکەیان دەگاتە 10 ملیار و 500 ملیۆن دیناری عێراقی".

 

ژمارەکان وادەڵێن: ئامێرەکان لەلایەن کۆمپانیایەک بەناوی (کیمیادیە)، بە بەهای سەرووی پێنج ملیۆن دۆلار دابینکراون، دواتر دەرکەوتووە بەشی زۆری ئامێرەکان کار ناکەن.