لە بەغدا کۆبوونەوەیەکی سێقۆڵی لەبارەی هەناردەکردنەوەی نەوتی کوردستان دەکرێت

ئاڤا نیوز

ڕێکارەکانی دەستپێکردنەوەی هەناردەی نەوتی هەرێمی کورستان بەردەوامن و سبه‌ی یه‌كشه‌ممه‌ لە بەغدا کۆبوونەوەیەکی سێقۆڵی دەکرێت.

وێنە گەورەکە: به‌ مه‌به‌ستی تاوتوێکردنی پرسی هەناردەکردنەوەی نەوت کە ساڵێک و دوو مانگە ڕاگیراوە، سبەی یەکشەممە حکومەتی عێراق و حکومەتی هەرێمی کوردستان و کۆمپانیا نەوتییەکان لە بەغدا کۆ دەبنەوە.

لێدوانی فەرمی: سەباح سوبحی، ئەندامی لیژنەی نەوت و گاز لە ئەنجوومەنی نوێنەرانی عێراق بە ئاڤا نیوزی گوت: تەنها یەک بەربەست لەبەردەم هەناردەکردنەوەی نەوت ماوە، ئەویش پێداچوونه‌وه‌یە به‌ شێوازی گرێبەستەکان، حکومەتی عێراق داوا دەکات شێوازی گریبه‌سته‌كان له‌ هاوبه‌شه‌وه‌ بو خزمه‌تگوزاری بگۆڕدرێت، ئه‌م بابه‌ته‌ش ده‌رفه‌تی چاره‌سه‌ری زۆرە.

 

زانیاری زیاتر : پێشتر دوو لە بەربەستە گەورەکان  تێچووی بەرهەمهێنان و نرخی گواستنەوە بوون، بەڵام ئەم دوو کێشەیە له‌ یاسای بودجه‌دا چارەسەر کراون؛ تێچووی دەرهێنانی هەر بەرمیلێک بە 14دۆلار دیاری کراوە و شەش دۆلاریش بۆ گواستنەوە.