زیاتر لە پێنج ملیار دینار بۆ نۆژەنکردنەوەی بازاڕی قەیسەری هەولێر تەرخان دەکرێت

ئاڤا نیوز

نۆژەنکردنەوەی بازاڕی قەیسەری هەولێر دەستپێدەکات و بڕی پێنج ملیار و 300 ملیۆن دیناری بۆ تەرخان دەکرێت.

چیرۆکی سەرەکی: ڕۆژی 5-5-2024 بازاڕی قەیسەری هەولێر ئاگری گرت و بەهۆیەوە 227 دوکان و حەوت کۆگا سووتان.

لێدوانی فەرمی: ئومێد خۆشناو، پارێزگاری هەولێر لە کۆنگرەیەکی ڕۆژنامەوانیدا ڕایگەیاند: بڕی پێنج ملیار و 300 ملیۆن دینار بۆ نۆژەنکردنەوەی بازاڕەکە تەرخان کراوە،  ئەرکەکەش بە دوو کۆمپانیا سپێردراوە بۆ ئەوەی بەزووترین کات تەواو بکرێت.

ئەوەی پێویستە بیزانیت: حکومەتی هەرێمی کوردستان بڕیاری بەخشینی 50%ی باجی 2023 و 100%ی باجی 2024ی بۆ زیانلێکەوتووان دەرکردووە، سەرەڕای بەخشینیان لە باجی تابلۆ و خاشاک بۆ ماوەی ساڵێک. هەروەها ڕێککەوتنی لەگەڵ بانکی جیهان کردووە بەمەبەستی پێدانی قەرز بە دووکانداران.