خزمەتگوزاریی خۆڕایی بۆ حاجییان دابین دەکرێت

ئاڤا نیوز

 

گوتەبێژی بەڕێوەبەرایەتیی گشتیی حەج و عەمرەی هەرێمی كوردستان ڕایگەیاند، حکومەتی هەرێمی کوردستان کۆمەڵێک خزمەتگوزاریی بێبەرامبەر پێشکەش بە حاجییان دەکات.

 

وێنە گەورەکە: لە 27-5-2024، یەکەم کاروانی حاجییان لە ڕێگەی گەشتی ئاسمانییەوە بەرەو سعودیە بەڕێ کەوت، کۆتا کاروانی حاجییانیش لە 4-6-2024 بەرەو ئەو وڵاتە بەڕێ دەکەوێت.

 

لێدوانی فەرمی: كاروان ستوونی، گوتەبێژی بەڕێوەبەرایەتیی گشتیی حەج و عەمرەی هەرێمی كوردستان بە ئاڤا نیوزی ڕاگەیاند: حکومەتی هەرێمی کوردستان کۆمەڵێک خزمەتگوزاری بۆ حاجییان دابین کردووە، وەک شوێنی خەوتن، هاتوچۆ، نانخواردن و خزمەتگوزاریی تەندروستی."

 

ئەوەی پێویستە بیزانیت: ئەمساڵ چوارهەزار و 685 حاجیی هەرێمی كوردستان، بە مەبەستی بەجێهێنانی فەریزەی حەج گەشت بۆ سعودیە دەكەن، لەو ژمارەیەش زیاتر لە هەزار و 400 كەسیان بە ڕێگەی وشكانی گەشت دەكەن.

 

زانیاریی زیاتر: ئێستا 4340 حاجیی هەرێمی کوردستان گەیشتوونەتە خاکی سعودیە و بەیانیش دواکاروانی حاجییان بەڕێ دەکەوێت، کە ژمارەیان 345 حاجییە.