پێشەوا هەورامانی: بەغدا بەڵێنی داوە مووچەی فەرمانبەرانی هەرێمی کوردستان بنێرێت

ئاڤا نیوز

 

گوتەبێژی حکومەتی هەرێمی کوردستان دەڵێت، هەرێمی کوردستان دەیەوێت کێشەکان لە چوارچێوەی دەستوور چارەسەر بکرێن، بەغداش بەڵێنی داوە مووچە بنێرێت.

 

وێنە گەورەکە: تاوەکو ئێستا بەغدا مووچەی نیسانی هێزە ئەمنییەکانی هەرێمی کوردستانی نەناردووە، وادەی ناردنی  مووچەی مانگی ئایاری فەرمانبەرانیش کاتەکەی بەسەردا تێپەڕیووە و نەنێردراوە.

 

لێدوانی فەرمی: پێشەوا هەورامانی، گوتەبێژی حکومەتی هەرێمی کوردستان بە ئاڤا نیوزی گوت: "لە دواین سەردانی سەرۆکوەزیران بارزانی بۆ بەغدا بەڵێن دراوە مووچەی فەرمانبەرانی هەرێمی کوردستان بنێردرێت، گەشبینەکی زۆرباش هەیە و بەڵێنی ڕێککەوتن و نزیکبوونەوە هەبووە.