یانەی زاخۆ: ئەم هەنگاوەی ئاڤا هۆکارێکە بۆ لێکنزیکبوونەوەی وەرزشوانان

ئاڤا نیوز

 

سەرۆکی یانەی وەرزشیی زاخۆ ئاماژە بەوەدەدات، کە کۆکردنەوەی هاندەران بەو شێوازەی ئاڤا کەشی ئەرێنی لەنێو وەرزشوانان دروستدەکات.

 

وێنە گەورەکە: گرووپی میدیایی ئاڤا هەزاران هاندەری لە سەرجەم شار و شارۆچکەکانی هەرێمی کوردستان لە شەقامی ئیسکانی هەولێر کۆکردەوە، لە کەشێکی ئارامدا بینەری یاریی کۆتایی چامپیۆنزلیگ لە نێوان ڕیال مەدرید و بڕووسیا دۆرتمۆند بوون.

 

لێدوانی فەرمی: عومەر فەرهاد، سەرۆکی یانەی وەرزشیی زاخۆ بە ئاڤا نیوزی گوت، "ئەم کارەی ئاڤا کردوویەتی هۆکارە بۆ لێکنزیکبوونەوەی وەرزشوانانی سەرجەم شارەکان، کە بەرهەمەکەی یەکدەستی و کۆدەنگییە و کەشی ئەرێنی دروستدەکات."

 

باکگراوند: کاتژمێر 10:00ـی شەوی شەممە 01-06-2024 یاریی کۆتایی چامپیۆنزلیگ لەنێوان هەردوو یانەی ڕیال مەدرید و بڕووسیا دۆرتمۆند بەڕێوەچوو، ڕیال مەدرید بە دوو گۆڵی دانی کارڤاخاڵ و ڤینیسیۆس جۆنیۆر یارییەکەی بردەوە و بۆ جاری 15ـەم لە مێژوودا نازناوەکەی بەدەستهێنا.