بایدن ڕەزامەندیی لە سەر بەکاربردنی چەکی ئەمریکی بۆ لێدانی ڕووسیا دەکرد

ئاڤا نیوز

 

جۆ بایدن، سەرۆکی ئەمریکا، ڕەزامەندی دەربڕی لە سەر ئەوەی ئۆکراینا چەکی ئەمریکی بۆ لێدانی هێزەکانی ڕووسیا لە ناو خاکی خۆی بەکاربهێنێت. 

 

وێنە گەورەکە: بایدن ڕەزامەندیی لە سەر بەکارهێنانی چەکی ئەمریکی بۆ لێدانی ڕووسیا دەکرد، هەروەها سنوورداری بەکاربردنی چەکی ئەمریکی لەلایەن ئۆکرایناوە لابردووە، ڕێگەی داوە هێزەکانی ئۆکراینا چەکی ئەمریکی لە هێرشی پێچەوانەدا بەکاریبهێنن و وەڵامی ئەو هێرشانە بدەنەوە کە دەکرێنە سەر خارکێڤ یان لەو ئامانجانە بدەن کە خۆیان بۆ هێرشی سەر خارکێڤ لە ناو سنوورەکانی ڕووسیا ئامادە دەکەن. 

 

زانیاریی زیاتر: پێشتر ئەمریکا پێدانی چەکی بە ئۆکراینا مەرجدار کردبوو، تەنیا بۆی هەبوو بۆ بەرگری و لە ناو خاکی ئۆکراینا بەکاری بهێنێت.

 

بۆچی گرنگە: دوای ئەم بڕیارە ئۆکراینا دەتوانێت بە سوودوەرگرتن لە چەکی ئەمریکی هێرشی زیاتر بکاتە سەر دامەزراوەکانی ڕووسیا لە ناو خاکی ڕووسیا. 

 

ڕەهەندی ستراتیژی: بەکارهێنانی چەکی ئەمریکی بۆ لێدان لە ڕووسیا گرژییەکانی نێوان ڕووسیا و وڵاتانی ڕۆژئاوا زیاتر دەکات. 

 

باکگراوەند: پێشتر ڤلادیمیر پوتین، سەرۆکی ڕووسیا، هۆشداری دابوو ئەگەر ئۆکراینا بە چەکی ئەمریکا هێرش بکات، ئەوا ئەوە لێکەوتەی خراپی دەبێت، بە تایبەتیش بۆ وڵاتانی بچووک لە ئەوروپا.