سبەی کاروانی حاجیانی کوردستان بە ڕێگەی وشکانی بۆ سعودیە بەڕێدەکەوێت

ئاڤا نیوز

 

بەڕێوەبەری گشتیی حەج و عەمرەی هەرێمی کوردستان ڕایدەگەیێنێت، بە دوو بەش کاروانی حاجیان بە ڕێگەی وشکانی بۆ سعودیە بەڕێدەکەون.

 

لێدوانی فەرمی: شێخ نیاز نەقشبەندی، بەڕێوەبەری گشتیی حەج و عەمرەی هەرێمی کوردستان بە ئاڤا نیوزی گوت: کاتژمێر 7:00ـی سەرلەبەیانی 29-5-2024 کاروانی حاجیانی هەولێر،دهۆک، ئیدارە سەربەخۆکانی سۆران و زاخۆ لەسەر ڕێی قوشتەپە بەڕێ دەکەون و دەبێت 8:00 کاتژمێر  لە بازگەی پردێ بن.

 

لەلایەکی دیکەوە: کاروانی حاجیانی سنووری سلێمانی، هەڵەبجە، ئیدارە سەربەخۆکانی گەرمیان و ڕاپەڕین بەڕێدەکەون و کاتژمێر 10:00 لە بازگەی چیمەن دەبن.

 

زانیاریی زیاتر: هەزار و 640 حاجی هەرێمی کوردستان بە ڕێگەی وشکانی دەچن بۆ حەج، لە 29-5-2024 بەڕێدەکەون و لە 31-5-2024 لە مەدینە دەبن.