وەزارەتی پێشمەرگە پڕۆسەی بەبانکیکردنی مووچەی هێزەکانی پێشمەرگە تاوتوێ دەکات

ئاڤا نیوز

 

لە کۆبوونەوەی وەزارەتی پێشمەرگە، پرۆسەی بەبانکیکردنی مووچەی هێزەکانی پێشمەرگە وەک سەرجەم مووچەخۆرانی دیکە گفتوگۆی لەبارەیەوە کرا.

 
ڕاگەیێنراوی فەرمی: ئەمڕۆ 28-5-2024 وەزارەتی پێشمەرگە ڕایگەیاند، کۆبوونەوەیەکی باڵا بە سەرپەرشتیی وەزیری پێشمەرگە و بە بەشداری تیمێکی ڕاوێژکارانی هاوپەیمانی و ئۆفیسی هەماهەنگی و هاریکاریی ئاسایشی ئەمریکا کرا.

 

زانیاریی زیاتر: لە کۆبوونەوەکەدا گفتوگفۆ لەبارەی پێکهێنانی فیرقەکان، سەرکردایەتی و کۆنترۆڵ، پڕۆسەی بە بانکیکردنی مووچەی سەرجەم هێزەکانی پێشمەرگە و ستراتیژییەتیی دوور مەودای پڕۆسەی چاکسازیی پێشمەرگە تاوتوێ کرا.

 

لەلایەکی دیکەوە: شۆڕش ئیسماعیل، وەزیری پێشمەرگە گوتی: هاریکاری ڕاوێژکارانی باڵای سەربازیی هاوپەیمانان و تیمی ئۆفیسی هاریکاری ئاسایشی ئەمریکا لە عێراق و هەرێمی کوردستان، جێی بایەخی ئێمەیە، هۆکاری پێشکەوتن و پەرەسەندنی زیاتری وەزارەتی پێشمەرگەیە.