سەرچاوەیەک لە بانکی ناوەندیی: پارەکەی وەزارەتی دارایی گەیشتە لقی هەولێری بانکەکەمان

ئاڤا نیوز

سەرچاوەیەک لە بانکی ناوەندی عێراق ڕایگەیاند "ئەو بڕەپارەی کە وەزارەتی دارایی هەرێمی کوردستان ڕادەستی وەزارەتی دارایی عێراقی کرد گەیشتە لقی هەولێری بانکی ناوەندیی".

 

وێنە گەورەکە: دوای سەرۆکوەزیران بارزانی ڕایگەیاند هەموو شتێک دەکەن لەپێناو مافی خەڵکی هەرێمی کوردستان و موچەخۆران، ئەمڕۆ وەزارەتی دارایی حکومەتی هەرێمی کوردستان بەشێک لە داهاتی مانگی شووباتی خستە سەر هەژماری بانکی وەزارەتی دارایی عێراق.

زانیاریی بەدەستهاتوو: سەرچاوەیەک لە بانکی ناوەندی عێراق بە ئاڤا نیوزی گوت: بڕی 85 ملیار و 199 ملیۆن و 634 هەزار دینار گەیشتە ئۆفیسی هەولێری بانکەکەمان.

بۆچی گرنگە: ناردنی داهاتی ناوخۆی هەرێمی کوردستان، یەکێک بوو لە پاساوەکانی حکومەتی عێراق بۆ ناردنی مووچەی مووچەخۆرانی هەرێمی کوردستان، بەناردنیشی ئەو پاساوە نەما.