وەرنەگرتنی گەنمی جووتیارانی مەخموور کێشەی دروست کردووە

ئاڤا نیوز 

 

جووتیارانی مەخموور رایدەگەیێنن، بەهۆی وەرنەگرتنی گەنمەکانیان زیانێکی زۆریان بەرکەوتووە. 

 

وێنە گەورەکە: چەند کێشەیەک بۆ جووتیارانی مەخموور دروستبووە بووەتە هۆی ئەوەی کە گەنمەکانیان وەرنەگیریت و زیانێکی زۆریان پێ بگات.

 

چی ڕوویدا؟ جووتیارانی سنووری مەخموور گردبوونەوە و داوا دەکەن کێشەی وەرنەگرتنی هەموو گەنمەکانیان چارەسەر بکرێت، چونکە بەشێکی زۆری گەنمەکانیان لەلایەن سایلۆوە ڕەتدەکرێتەوە بە بیانووی ئەوەی کە بەشی ژێرەوەی ڕەش بووە.

 

لێدوانی فەرمی: جووتیارێکی سنووری مەخموور بە ئاڤا نیوزی ڕاگەیاند، بەهۆی بارانەکەی ئەم دواییە بەشی خوارەوەی گەنمەکەیان ڕەش بووە، ئەمەش وەک بەهانەیەک لەلایەن سایلۆوە بەکار دەهێنرێت بۆ وەرنەگرتنی گەنمەکانیان. 

 

زانیاریی زیاتر: گەنم لە سایلۆکان بە 850 هەزار دینار وەردەگیرێت، بەڵام بەشێک لە جووتیاران ناچارن بە نرخێکی کەمتر لە دەرەوەی سایلۆ بیفرۆشنەوە، کە نرخەکەی هەندێک کات دەگاتە 600 هەزار دینار.