دوو بازرگان بە 20 کیلۆ مادەی هۆشبەرەوە دەستگیر دەکرێن

ئاڤا نیوز

 

بەڕێوەبەرایەتیی نەهێشتنی مادە هۆشبەرەکان ئاشکرای دەکات، دوو تۆمەتبار لەسەر بازرگانیکردن بە مادەی هۆشبەر دەستگیر کراون.

 

چیرۆکی سەرەکی: ڕۆژی چوارشەممە 22-05-2024، تیمێکی بەدواداچوونی بەڕێوەبەرایەتیی نەهێشتنی مادە هۆشبەرەکان لە چالاکییەکدا توانییان دوو تۆمەتبار لە هەولێر دەستگیر بکەن، کە کاری بازرگانییان بە مادەی هۆشبەرەوە دەکرد.

 

لێدوانی فەرمی: ئەرکان عومەر، ئەفسەر لە بەڕێوەبەرایەتیی نەهێشتنی مادە هۆشبەرەکان ڕایگەیاند: "لە کاتی دەستگیرکردنی ئەو دوو بازرگانە، دەستبەسەر 20 کیلۆ ماددەی هۆشبەر لە جۆری کریستاڵدا گیراوە".

 

ئەوەی پێویستە بیزانیت: لەسەرەتای ئەمساڵەوە تاوەکو 30-04-2024، بەڕێوەبەرایەتیی گشتیی ئاسایش توانیویانە 580 تۆمەتبار دەستگیر بکەن، لەو ژمارەیە 328 تۆمەتبار لە کاری بازرگانیی کڕین و فرۆشتن بە مادەکەوە تێوەگلاون.