لە هەولێر ڕێژەی دەرچوونی قوتابیانی نۆی بنەڕەتی نزیكەی 62% ە

ئاڤا نیوز

وەزارەتی پەروەردەی حكومەتی هەرێمی كوردستان، ئەمشەو 16-5-2024 ئەنجامی کۆتایی تاقیکردنەوەکانی پۆلی نۆی بنەڕەتی لە هەرێمی کوردستان بڵاوکردەوە.

لێدوانی فەرمی: ئومێد خۆشناو پارێزگاری هەولێر ڕایگەیاند: بەرزترین ڕێژەی دەرچوون لەسەر ئاستی هەرێمی کوردستان لە هەولێرە زیاتر لە 61% ە، هاوکات سێ قوتابی پلەی یەکەمیان بەدەست هێناوە کە تێکڕای نمرەکانیان  ە100.

 

زانیاریی زیاتر: پێنج قوتابی پلەی دووەمیان بەدەست هێناوە تێکڕای نمرەکانیان 99.83، حەوت قوتابی پلەی سێیەمیان بەدەست هێناوە تێکڕای نەمرەکانیان  99.67 ە. پارێزگاری هەولێر وای گوت.

ئەوەی پێویستە بیزانیت: تاقیکردنەوەی نیشتیمانیی خولی یەکەمی پۆلی نۆیەمی بنەڕەتی لە 07-05-2024 دەستی پێ کرد، لە 14-05-2024 کۆتایی هات.