ڕەوەندی عێراقی دەتوانن لە شوێنی خۆیانەوە کارتی نیشتمانی دەربهێنن

ئاڤا نیوز

 

وەزارەتی ناوخۆی عێراق ڕایدەگەیێنێت، سیستەمی کارتی نیشتیمانی لە باڵیۆزخانەکانی عێراق بۆ ڕەوەندی عێراقی بەردەست دەبێت و پێویست ناکات بگەڕێنەوە وڵات.

 

لێدوانی ڕۆژنامەوانی: لیوا نەشئەت خەفاجی، بەڕێوەبەری گشتیی باری شارستانی و پاسپۆرت ڕایگەیاند: "تاوەکو ئێستا 38ملیۆن و 992هەزار هاووڵاتیی عێراقی کارتی نیشتمانیان دەرهێناوە".

 

زانیاریی زیاتر: ئەو بەڕێوەبەرە ئەوەشی گوت، دەستمان بە قۆناغی تۆمارکردنی هاووڵاتییانی عێراقی لە واشنتۆن کردووە، وەک ئامادەکارییەک بۆ دانانی وێستگەکان بە هەماهەنگی لەگەڵ وەزارەتی دەرەوە و باڵیۆزخانەکانی عێراق.

 

ئەمەش بزانە: خەفاجی جەختی لە کردنەوەی سیستەمی کارتی نیشتمانی لە باڵیۆزخانەکانی عێراق کردەوە، "بەو پێیەی ئێمە ڕەوەندی عێراقی تۆمار دەکەین بەبێ ئامادەبوونیان لە عێراق".