توركیا بۆ ئەمریكا: هێرشی ئیسرائیل بۆ سەر ڕەفەح جێگەی قبوڵكردن نییە

ئاڤا نیوز

 

وەزیری دەرەوەی توركیا لەگەڵ هاوتا ئەمریكییەكەی قسەی كردووە و پێی گوتووە، هێرشی ئیسرائیل بۆ سەر ڕەفەح مایەی قبوڵكردن نییە.

 

وێنە گەورەکە: هاكان فیدان، وەزیری دەرەوەی توركیا لەبارەی هێرشی سوپای ئیسرائیل بۆ سەر ڕەفەح بە ئەنتۆنی بلینكن وەزیری دەرەوەی ئەمریكای گوتووە، پێویستە هێرشەكانی ئیسرائیل لە ڕەفەح ڕێگریان لێ بكرێت، چونكە جێگەی قبوڵكردن نین و هەڵەیەكی كوشندەیە.

 

ئەوەی پێویستە بیزانیت: ڕۆژی سێشەممە، زرێپۆشەکانی سوپای ئیسرائیل چوونە ناو ناوچەی ڕەفەح و ئامادەكاری بۆ هێرشی بەرفراوان دەکەن.

 

بۆچی گرنگە: ئەمریكا لە سەروبەندی وەستاندنی تەواوەتی هاوكارییە سەربازییەكانە بۆ ئیسرائیل، ئەگەر سوپای ئەو وڵاتە ئۆپەراسیۆنی زەمینی لە ناوچەكە بكات.