فەرمانبەرێک لە عێراق نزیکەی نیو ملیار دیناری دەوڵەت دەبات

ئاڤا نیوز

 

دادگەی تاوانەکانی زیقار سزای 10 ساڵ زیندانیکردن بۆ فەرمانبەرێکی باج دەردەکات، کە تۆمەتبار بووە بە دەستبەسەرداگرتنی نزیکەی نیو ملیار دینار لەو پارێزگایە.

 

ڕاگەیێنراوی فەرمی: دەستەی دەستپاکیی عێراق ڕایگەیاند: "دادگەی تاوانەکانی زیقار بڕیاری سزای 10 ساڵ زیندانی بۆ ئەمین سندووقێک لە بەشی باج لە قایمقامیەتی زیقار دەرکرد، بڕیایشدا بە پێبژاردنی ئەو پارەیەی بردویەتی".

 

زانیاریی زیاتر: ئەو فەرمانبەرە پۆست و شوێنەکەی بەکارهێناوە بۆ دەستبەسەرداگرتنی بڕی 472 ملیۆن و 580 هەزار و 182 دینار لەو بڕە پارەیەی لە باجی سەپێنراو لەسەر چالاکییە بازرگانییەکانی پارێزگاکە کۆکراوەتەوە.

 

ئەمەش بزانە: پێشتر دەستەی دەستپاکیی عێراق دۆسیەیەکی گەندەڵی لە پارێزگای زیقار ئاشکرا کردبوو، کە بریتیبوو لە پێدانی مۆڵەت بە پڕۆژەیەکی کۆمەڵگەی فێرکاری بە بڕی ملیارێک و 583 ملیۆن و 580 هەزار دینار.