دەرگای سایلۆکانی کەرکووک بەڕووی جووتیاران دەکرێتەوە

ئاڤا نیوز

 

بەشێوەیەکی فەرمی لەمڕۆوە دەرگای سایلۆکانی کەرکووک بە ڕووی جووتیاران دەکرێتەوە، تەنیا بەرهەمى شار و شارۆچکەکانى دەوروبەری پارێزگاکە وەردەگیرێت.

 

بڵاوکراوەی فەرمی: پارێزگای کەرکووک ڕاگەیێنراوێکی بڵاو کردووەتەوە کە تیایدا هاتووە: پلان بۆ دروستکردنی سایلۆیه‌ك هەیە لە کەرکووک کە توانای کۆگاکردنی 60 هەزار تۆن گەنمی هەبێت، پڕۆژەکە بە 30 ملیار دینار جێبه‌جێ ده‌كرێت.

 

لێدوانی فەرمی: زهیر عەلی حسێن، بەڕێوەبەری کشتوکاڵی کەرکووک بە ئاڤا نیوزی ڕاگەیاند: بە ناوخۆیی و دەرەکی نزیکەی یەک ملیۆن دۆنم گەنم چێنراوە، یەک تۆن گەنم بە 850 هەزار وەردەگیرێت، هەروەها بڕی 30 ملیار دینارمان دابین کردووە بۆ مسۆگەرکردنی پارەی جووتیاران.

 

بۆچی گرنگە: بە تەنیا بەرهەمی جووتیارانی هەرێمی کوردستان بۆ ئەمساڵ زیاتر لە یەک ملیۆن و نیو تۆن دەبێت، بڕیارە شاندێکی وەزارەتی کشتوکاڵ و سەرچاوەکانی ئاو بەمەبەستی یەکلاییکردنەوەی وەرگرتنی گەنمی جووتیاران سەردانی بەغدا بکات.