بەغدا لە ڕێگەی ئەمریکاوە پەرە بە توانا ئاسمانییەکانی دەدات

ئاڤا نیوز  

گوتەبێژی فەرماندەیی ئۆپەراسیۆنە هاوبەشەکانی عێراق، وردەکاری ئەو ڕێککەوتنانە ئاشکرا دەکات کە لەبواری پڕچەککردنی هێزەکانی عێراق لەنێوان بەغداو واشنتن کراوە.

وێنە گەورەكە: سەرۆکوەزیرانی عێراق لە میانی سەردانەکەی بۆ ئەمریکا ژمارەیەک ڕێککەوتن و یاداشتی لێکتێگەیشتنی لەگەڵ لایەنی ئەمریکی واژۆ کرد، لەوانە کڕینی فڕۆکە، بەڵام بێ ئەوەی وردەکارییەکان ئاشکرا بکەن.

لێدوانی فەرمی: لیوا تەحسین خەفاجی، گوتەبێژی فەرماندەیی ئۆپەراسیۆنە هاوبەشەکانی عێراق ڕایگەیاند: ڕێککەوتنەکە 12 فڕۆکەی "بێڵ 412" و نۆ فڕۆکەی "بێڵ 407" لەخۆدەگرێت، میکانزمی پارەدانەکەش بەشێوەی قیست دەبێت، کە پێشتر ئەم میکانزمە لەگەڵ هیچ وڵاتێک نەکراوە".

زانیاریی زیاتر: ئەمریکا فڕۆکەی فڕۆکەی مەشق و ڕاهێنانی "بێڵ 505"یشی بۆ عێراق دابینکردووە، هاوکات پێنج فڕۆکەی دیکەی "بێڵ 412"ی وەک دیاری بە عێراق داوە. 

ئەمەش بزانە: خەفاجی پێیوایە "پەرەدان بە توانا سەربازییەکانی سوپای عێراق لەسەر ئاستی فڕۆکەوانی و بەرگریی ئاسمانی زۆر گرنگە، هاوکات سوودانی زۆر گرنگی بە کڕینی سیستەمی پێشکەوتووی بەرگری ئاسمانی دەکات".