هەناردەی نەوتی عێراق لە مانگی سێ 106 ملیۆن بەرمیلی تێپەڕاند

ئاڤا نیوز

 

کۆمپانیای بەبازاڕکردنی نەوتی عێراق - سۆمۆ، بڕی هەناردەی نەوتی عێراق بۆ مانگی سێی ئەمساڵ ئاشکرا دەکات کە زیاتر لە 106 ملیۆن بەرمیل بووە.

 

ڕاگەیێنراوی فەرمی: کۆمپانیای سۆمۆ ڕایدەگەیێنێت، لە مانگی ئاداردا زیاتر لە 106 ملیۆن بەرمیل نەوتیان هەناردەی بازاڕەکانی جیهان کردووە.

 

ژمارەکان وادەڵێن: تەنیا لە کێڵگە نەوتییەکانی پارێزگای بەسرە 104 ملیۆن و 680 هەزار و 93 بەرمیل، لە پارێزگای کەرکووک لە کێڵگەی گەیارە 967 هەزار و 492 بەرمیل، لە کێڵگەی کەرکووکی نوێ 464 هەزار و 453 بەرمیل نەوت.

 

ئەمەش بزانە: کۆی هەناردەی نەوتی هەناردەکراوی عێراق بۆ بازاڕەکانی جیهان لە مانگی سێی ساڵی 2024، بریتی بووە لە 106 ملیۆن و 112 هەزار و 38 بەرمیل.