داوا لە هاووڵاتیان دەکرێت لە سەرچاوە ئاوییەکان دووربکەونەوە

ئاڤا نیوز

وەزارەتی گواستنەوە گەیاندنی حكومەتی هەرێمی كوردستان، پێشبینیی هاتنی شەپۆلێکی بارانبارینی تووند دەکات لە ڕۆژی چوارشەممەی داهاتووەوە، هۆشداری دەدرێتە هاووڵاتیان خۆیان لە سەرچاوەکانی ئاو دووربخەنەوە.

وێنە گەورەکە: وەزارەتی گواستنەوە گەیاندن پێشبینی بۆ هاتنی شەپۆلێکی باران بارینی تووند دەکات، لە هەفتەی داهاتوو بە تایبەتی رۆژی چوارشەممە، پێشبینی زیادبوونی دەرامەتی سەرچاوەکانی ئاو دەکرێت لە هەرێمی کوردستان.

لێدوانی فەرمی: کاروان سەباح، بەڕێوەبەری گشتی سەرچاوەکانی ئاوی هەرێمی کوردستان بە ئاڤا نیوزی ڕاگەیاند: "ئەم شەپۆلی باران بارینە بە پێی پێشبینیەکان هەموو هەرێمی کوردستان دەگرێتەوە، لە هەندێ ناوچە مەترسی دروست بوونی لافاویش هەیە، چاوەڕێدەکرێت لە  زاخۆ، ڕاپەرین، گەرمیان، سۆران و دەوڕوبەری هەولێر بارانێکی زۆر ببارێت".

ئەوەی پێشبینی دەکرێت: پێشبینی دەکرێت کە ڕێژەی ئاوی ڕووبار و چەم و بەنداوەکان بەرزبێتەوە هەر بۆیە بەرێوبەرایەتی سەرچاوەکانی ئاوی هەرێمی کوردستان، داوا لە هاووڵاتیان دەکات بۆ پاراستنی مال و سامان و گیانیان لە ڕووبار و بەنداوەکان دووربکەونەوە.