دابەشکردنی مووچەی مانگی سێ دەستیپێکرد

ئاڤا نیوز

 

بەپێی خشتەی دابەشکردنی مووچە، دەست بە دابەشکردنی مووچەی مانگی ئادار کرا، بڕیارە تاوەکو دوو ڕۆژی دیکە مووچەی سەرجەم مووچەخۆران دابەش بکرێت.      

وێنە گەورەکە: دوای ڕێککەوتنی سەرۆکوەزیران بارزانی و محەممەد شیاع سوودانی سەرۆكوەزیرانی عێراق، لەبارەی پرسی مووچە لە ماوەی کەمتر لە 10 ڕۆژ مووچەکانی مانگی دوو و سێی مووچەخۆرانی هەرێمی کوردستان دابەشدەکرێت.

ڕاگەیێنراوی فەرمی: بەپێی لیستی مووچەی وەزارەتی دارایی حکومەتی هەرێمی کوردستان، ئەمڕۆ شەممە 6-4-2024، ئەم شوێنانە مووچەی مانگی سێ وەردەگرن؛
* کەسوکاری شەهیدان و ئەنفالکراوان
* زیندانییە سیاسییەکان
* خاوەن پێداویستی تایبەت
* خانەنشینی شارستانی
* خانەنشینی پێشمەرگە

زانیاریی زیاتر: وەزارەتی دارایی دەڵێت، ئەو خشتەیەی مووچە کە بڵاویانکردووەتەوە بەپێی کاتی هاتنی تەمویلی وەزارەتی دارایی عێراق  دانراوە، لەکاتی دروستبوونی هەر گۆڕانکارییەک گۆڕانکاری لە خشتەکەشدا دەکرێت.

ئەوەی پێویستە بیزانیت: تاوەکو ئێستا بەغدا بڕی 130 ملیار دیناری ناردووە و بڕیارە سبەی 7-4-2024، بڕی 822 ملیار دیناری دیکە بنێرێت.

 

ئەمەش بزانە: هەر بەپێی ڕێککەوتنی سەرۆکوەزیران بارزانی و سەرۆکوەزیرانی عێراق، پێویستە چیتر بابەتی مووچە بە دوور بگیرێت لە هەموو ناکۆکیی و کۆت و بەندەکان، دوای جەژنیش ڕاستەوخۆ دەست بە ئامادەکاری بۆ مووچەی مانگی چوار دەکرێت.