سەرۆک بارزانی: هەڵبژاردن بە دەستوەردانی نایاسایی و ئەجێندای دەرەکی ناکرێت
- کوردستان
- 30 ئازار
دیمەنێک لە کۆبوونەوەی سەرۆك بارزانی و ئەلینا ڕۆمانسكی، باڵیۆزی ئەمەریكا لە عێراق
ئاڤا نیوز
سەرۆک بارزانی لە نوێترین پەیامیدا لەبارەی پرۆسەی هەڵبژاردن ڕایدەگەیێنێت، هەڵبژاردن بە دەستوەردانی نایاسایی و ئەجێندای دەرەکی و بەبێ بەشداریکردنی پێكهاتەكان ناكرێت. جەختیش دەکاتەوە ئەگەر لایەنەکان خوازیاری ئەوەن پارتی بەشداریی بکات، دەبێت تێبینی و سەرنجەکانی لەبەرچاو بگرن.
چیرۆکی سەرەکی: ئەمڕۆ شەممە لە سەلاحەدین، سەرۆك مەسعود بارزانی لەگەڵ ئەلینا ڕۆمانسكی، باڵیۆزی ئەمەریكا لە عێراق کۆبووەوە و چەند بابەتێکیان تاوتوێ کرد، گرنگترینیان بریتیبوون لە: پرۆسەی هەڵبژاردن، بارودۆخی ناوخۆی هەرێمی كوردستان، بارودۆخی سیاسیی عێراق و ناوچەكە.
ڕاگەیێنراونی فەرمی: لە سەرەتای کۆبوونەوەکەدا باڵیۆزی ئەمریکا ئاماژەی بە داواكاری و مەرجەكانی پارتی بۆ بەشداریکردن لە هەڵبژاردن کردووە و ڕایگەیاندووە: "لە نیگەرانی و تێبینییەكانی پارتی لەمەڕ هەڵبژاردن تێدەگەن و داواكاری و مەرجەكانی پارتیان لەگەڵ یونامی و لایەنە سیاسیەكانی عێراق باس كردووە، ئەمەریكا خوازیاری ئەوەیە هەرێمی كوردستان بەهێز و سەقامگیر بێت، لەگەڵ لایەنەكانی دیکەش بۆ گەیشتن بە چارەسەر لە دیالۆگ بەردەوام بێت".
بۆچوونی بەرامبەر: سەرۆك بارزانی سوپاسی پەرۆشی و دۆستایەتیی ئەمەریكای كردووە و ئاماژەی بەوە داوە كە پارتی هەمیشە لەگەڵ بەڕێوەچوونی هەڵبژاردن بووە، بەڵام هەڵبژاردنێك كە شەفاف بێت و تەعبیر لە ئیرادەی گەلی كوردستان بكات و دوور بێت لە دەستوەردانی دەرەكی و سەپاندنی شێوازی نایاسایی، بە جۆرێك كە پێش ئەنجامدانی هەڵبژاردن، ئەنجامەكان لە بەرژەوەندیی خۆیان یەكلایی بكەنەوە.
بابەتی سەرەکی: سەرۆک بارزانی جەختی کردووەتەوە ناكرێ هەڵبژاردن بەڕێوەبچێت بە بێ بەشداریی پێكهاتەكان و پەرلەمانێك پێكبهێنرێت كە نوێنەری پێكهاتەكانی تێدا نەبێت، هاوكات پارتی كۆمەڵێك سەرنج و تێبینیی تەكنیكی هەیە لەسەر دابەشكردنی كورسیی پارێزگاكان و شێوازی كاری كۆمیسیۆن.
چارەسەرەکان: هەر پەیوەست بە هەڵبژاردن سەرۆك بارزانی ئاماژەی بۆ ئەوە کردووە، ئەگەر هەموو لایەنەكان خوازیاری ئەوە بن پارتی بەشداری هەڵبژاردن بکات، خۆ دەبێت ڕەچاوی تێبینی و سەرنجەكانی بكەن بۆ بەڕێوەچوونی هەڵبژاردنێكی شەفاف و بێگەرد كە لە خزمەتی سەقامگیری و پڕۆسەی دیموكراسیدا بێت.
کاریگەری و لێکەوتەکان: سەرۆک بارزانی باسی لەوە کردووە، هەڵبژاردنێك كە بە ئەجیندای دەرەكی و بە دەستوەردانی نایاسایی و نادەستووری بۆ سەپاندنی شەرعیەتێكی ساختە بەڕێوەبچێت، چ جۆرە سەقامگیرییەك بەدی دەهێنێت و چۆن تەعبیر لە ئیرادەی ڕاستەقینەی دەنگدەران دەكات؟
ئەمەش بزانە: سەرۆك بارزانی جەختی لەوە كردووەتەوە كە هەڵوێستی پارتی و تێبینییەكانی زۆر ڕوونن و داواشی لە كۆمەڵگەی نێودەوڵەتی و لایەنە سیاسییەكانی عێراق كردووە، پاڵپشتی هەڵبژاردنێكی بێگەرد و شەفاف و یاسایی و دوور لە هەر جۆرە دەستوەردانێك بن.
گۆشەیەکی دیکە: بە ئاماژەکردن بە کێشەکانی نێوان هەولێر و بەغدا، سەرۆک بارزانی بە باڵیۆزی ئەمریکای ڕاگەیاندووە، گرفتی هەرێمی كوردستان تەنیا هەڵبژاردن نییە، بەڵكو گرفتەکانی دیکە بریتین لە بڕینی قوت و مووچەی خەڵك و پەلاماردان بۆ سەر هەرێم و گرتنەبەری سیاسەتی نادروست لە دژی هەرێمی كوردستان.
پێدراوە ڕاستەکان: سەرۆک بارزانی جەختی کردووەتەوە کە شەڕی برسیكردنی خەڵكی كوردستانیان كردووە بۆ بێزاركردنی خەڵك. عێراق لەمێژە سیاسەتی گۆشەگیركردن و لاوازكردنی هەرێمی كوردستانی گرتووەتەبەر و ئێستاش دادگەی فیدراڵی وەك چەك و ئامرازێك بۆ بەردەوامیی ئەو سیاسەتە بەكاردەهێنرێت.
زیاتر لەسەر ئەم بابەتانە بکۆڵەرەوە
ئاڤا دیجیتاڵ
Editor
دوایین هەواڵەکان
- کوردستان
- 3 کاتژمێر لەمەوپێش
پێنج بەربژێری دیکە لەلایەن کۆمیسیۆن دووردەخرێنەوە
- عێراق
- 3 کاتژمێر لەمەوپێش
دادگای فیدراڵی دەستەی میدیا و پەیوەندییەکانی خستە ژێر دەسەڵاتی پەرلەمان
- بزنس
- 4 کاتژمێر لەمەوپێش
بایۆمەتریی مووچەی مامۆستایانی گرێبەست دەستپێدەكات
- بزنس
- 4 کاتژمێر لەمەوپێش
دەنگۆی هاوردەكردنی تەماتە بەنهێنی بۆ هەرێمی كوردستان ڕەتدەكرێتەوە
هەڵبژاردەکان بۆ تۆ
ڕەسووکە دەچێتە گوندی سرێشمەی باڵەکایەتی
5 کاتژمێر لەمەوپێش
ڕواندز و بیارە پێشبڕکێ بۆ بوون بە خۆشترین گوندی گەشتیاریی جیهان دەکەن
7 کاتژمێر لەمەوپێش
کاتی دابەشکردنی مووچە لە کوردستان و عێراق یەکدەخرێت
8 کاتژمێر لەمەوپێش
نهێنیی تەقینەوەی بێتەلەکانی حیزبوڵڵای لوبنان ئاشکرا دەبێت
17 ئەیلوول
پەیجەر چییە و بۆچی چەكدارانی حیزبوڵڵا بەكاریدەهێنن؟
17 ئەیلوول
- کوردستان
- 3 کاتژمێر لەمەوپێش
پێنج بەربژێری دیکە لەلایەن کۆمیسیۆن دووردەخرێنەوە
- کوردستان
- 5 کاتژمێر لەمەوپێش
19 ساڵ بەسەر کۆچی دوایی مەرزیە فەریقی تێدەپەڕێت
- کوردستان
- 5 کاتژمێر لەمەوپێش
لە پڕۆژەیەکی درێژخایەندا قەڵای هەولێر نۆژەن دەکرێتەوە
- کوردستان
- 5 کاتژمێر لەمەوپێش
گۆڕینی پاسە کۆنەکان؛ مژاری گەرمی سلێمانییە
- کوردستان
- 7 کاتژمێر لەمەوپێش
ڕواندز و بیارە پێشبڕکێ بۆ بوون بە خۆشترین گوندی گەشتیاریی جیهان دەکەن
- کوردستان
- 7 کاتژمێر لەمەوپێش
گەڕەکی ژاڵەی سەروو لە سلێمانی بێ خزمەتگوزارییە