دادگەی فیدراڵی عێراق لەسەر چوار پرس كۆدەبێتەوە

ئاڤا نیوز

 

سبەی 31-3-2024 دادگەی فیدراڵی عێراق لەسەر چوار دۆسیە کۆدەبێتەوە و یەکێک لە سکاڵاکان پەرلەمانتارێکی کورد لە بەرژەوەندی هەرێمی کوردستان تۆماریکردووە.

 

چیرۆکی سەرەکیی: سبەی دادگەی باڵای فیدڕاڵی عێراق کۆدەبێتەوە، چوار دۆسیە تاوتوێ دەكات، كە دوانیان پەیوەستن بە هەرێمی كوردستان، یەکێکیان نەهرۆ مەحمود، پەرلەمانتاری کورد لە بەغدا تۆماری کردووە لەسەر سەرۆکوەزیران و وەزیری نەوتی عێراق و داوای هەڵوەشاندنەوەی بڕیارێکی ئەنجوومەنی وەزیرانی عێراق دەکات، کە تیایدا نرخی یەک لیتر نەوتی سپی بۆ هاووڵاتیانی هەرێم جارێک بە 500 دینار و جارێکیش بە 250 دینار دیاریكراوە.

 

لێدوانی فەرمی: نەهرۆ مەحموود، ئەندامی ئەنجوومەنی نوێنەرانی عێرا قبە ئاڤا نیوزی گوت: داوای کارکردنمان بە دەستوور کردووە، کە یەکسانی لەنێوان هاووڵاتیانی عێراقی چەسپاندووە بەو پێیەش نرخی لیترێک نەوت، کە بۆ هاووڵاتیانی عێراقی بە 150 دینارە بۆ هاووڵاتیانی هەرێمیش بەو نرخەبێت.

 

وێنە گەورەکە: بەگوێرەی ڕێککەوتنی نێوان هەولێر و بەغدا، پێویستە حکومەتی فیدراڵی 200 ملیۆن لیتر نەوتی سپی بۆ هەرێمی کوردستان بنێرێت، تاوەکو ئێستا زیاتر لە 100 ملیۆن لیتر لای بەغدا ماوە.

 

لەلایەکی دیکەوە: سکاڵای دووەم وەزیری کۆچ و کۆچبەرانی عێراق لەسەر هەرێمی کوردستان تۆماریکردووە و تایبەتە بە پرسی گەڕاندنەوەی ئاوارەکان لە کامپەکانی هەرێمەوە بۆ شارەکانی عێراق.