كۆشكی سپی پێشوازی لە پێشنیازی ئاگربەستی حەماس دەكات

ئاڤا نیوز

ئیدارەی ئەمریكا ڕایگەیاند بە " وریایی و گەشبینییەوە پێشوازی لە پێشنیازی نوێی ئاگربەستی حەماس دەكەن و ئەو پێشنیازە لەگەڵ ئەو رێككەوتننامەیە دەگونجێت كە ئەوان كاری لەسەر دەكەن".

وێنە گەورەكە: ئەو پێشنیازەی كە حەماس پێشكەشی وڵاتانی ناوبژیوانی كردووە بۆ "ئاگربەستی غەززە" لە سێ قۆناغ پێكهاتووە كە هەر قۆناغێك شەش هەفتە دەخایەنێت.

لێدوانی فەرمی: جۆن كێربی، گوتەبێژی كۆشكی سپی ڕایگەیاند: ئەو پێشنیازەی حەماس لە چوارچێوەی ئەو ڕێككەوتننامەیەیە كەچەندین مانگە كاری لەسەر دەكەین.

ئەوەی پێویستە بیزانیت: لەم ماوەیەوە شاندێكی دیكە دەچێتە قەتەر و هەوڵەكان چڕتر دەبنەوە بۆ ئاگربەستێكی كاتی، ئیدارەی ئەمریكا هیوادارن بە زووترین كات بگەنە ئاگربەست.

لە لایەكی دیكەوە: ئەنتۆنی بلینكن، وەزیری دەرەوەی ئەمریكا ڕایگەیاند: بە چڕی كاردەكەین بۆ داخستنی بۆشایی نێوان پێشنیازەكانی ئاگربەست كە لەلایەن ئیسرائیل و حەماسەوە پێشكەشكراون.

باكگراوند: ماوەی شەش مانگە لە غەززە شەڕ بەردەوامە، تاوكو ئێستا 32 هەزار كەس بە هۆی هێرشە بەردەوامەكانی ئیسرائیل گیانیان لەدەستداوە، ئەوانەشی كە لە ژیاندا ماون لە ژێر ‌هەڕەشەی برسێتی مووشەكەكانی ئیسرائیل دەژین.