وەزیری بەرگریی تورکیا لە بەغداوە چووە باکووری کوردستان

ئاڤا نیوز

دوای بەشداریکردنی لە کۆبوونەوەی شاندی تورکیا لەگەڵ بەرپرسانی عێراقی، یاشار گولەر، وەزیری بەرگریی تورکیا نەگەڕایەوە ئەنقەرە، بە سەردانێکی مەیدانی گەیشتە فەرماندەیی هێزی سێی پیادەی سوپای تورکیا لە هەکاری باکووری کوردستان.

 

ڕاگەیێنراوی فەرمی: یاشار گولەر شەو لە ناوچەی یوکسەک ئۆفا لە هەکاری ماوەتەوە، لەگەڵ فەرماندە سەربازییەکان کۆبووەوە، وەزارەتی بەرگریی تورکیا لەبارەی سەردانەکە ڕایگەیاند: گولەر دوایین پێشهاتەکانی ئۆپەراسیۆنی چنگ - قوفڵی دژی پەکەکە لەگەڵ فەرماندە سەربازییەکان تاوتوێ کردووە.

 

زانیاریی زیاتر: یاشار گولەر، ڕێنماییشی پێداون لەسەر ئەو ئۆپەراسیۆنەی کە بەنیازە لەماوەکانی داهاتوودا دژی پەکەکە دەستیپێبکەن.

لەلایەکی دیکەوە: نوح یەڵماز، ڕاوێژکاری وەزیری دەرەوەی تورکیا لە تۆڕی ئێکس نووسیویەتی: دوای کۆبوونەوەکەی تورکیا و عێراق لە بەغدا هەڕەشە هاوبەشەکەیان تێپەڕاند، بۆ یەکەمجار بڕیاریان دا پێکەوە دژی پەکەکە شەڕ بکەن.