حکومەتی عێراق گوژمەیەکی دیکەی پارە بۆ هەرێمی کوردستان دەنێرێت

ئاڤا نیوز

وەزارەتی دارایی عێراق بڕی 560 ملیۆن دینار بۆ مووچەی فەرمانبەرانی دەستەی وەبەرهێنان دەنێرێت.

ڕاگەیێنراوی فەرمی: وەزارەتی دارایی عێراق ڕوونی کردووەتەوە، لە چوارچێوەی پارەدارکردنی حکومەتی هەرێمی کوردستان بۆ دابەشکردنی مووچە، بڕی 560 ملیۆن دیناری بۆ مووچەی فەرمانبەرانی دەستەی وەبەرهێنان ناردووە. 

ئەوەی پێویستە بیزانیت: تاوەکو ئێستا مووچەی وەزارەتی پێشمەرگە و ئەنجوومەنی ئاسایش و بەشێك لە هێزەكانی وەزارەتی ناوخۆ لەلایەن بەغداوە نەنێردراوە.

باکگراوند: بەپێی ڕاگەیێنراوی وەزارەتی دارایی هەرێمی کوردستان، تاوەکو دوێنێ تەنیا (560) ملیار دینار بۆ مووچە نێردراوە، لەکاتێکدا مانگانە پێویستیان بە (949) ملیار دینارە و (390) ملیار دینار كورتهێنانی مووچە هەیە، بۆیە تاوەکو ئێستا بڕیاریان نەداوە دەست بە دابەشکردنی بکەن.