پارتی و یەکێتی لەبارەی هەڵبژاردن کۆدەبنەوە

ئاڤا نیوز

پارتی دیموکراتی کوردستان و یەکێتیی نیشتیمانیی کوردستان بەمزووانە کۆدەبنەوە، یەکێک لە تەوەرە سەرەکییەکانیان پرسی هەڵبژاردن دەبێت.

بۆچی گرنگە: یەکێتی و پارتی لە کۆبوونەوەکەدا پرسی هەڵبژاردن، مووچە، کێشە سیاسی و ئابووریی و ئەمنییەکانی هەرێمی کوردستان تاوتوێ دەکەن.

لێدوانی فەرمی: سەعدی ئەحمەد پیرە، گوتەبێژی یەکێتی لە چاوپێکەوتنێکدا لەگەڵ ئاڤا نیوز لەبارەی پەیوەندییەکانی حیزبەکەی و پارتی گوتی: ئێستا دۆخی یەکێتی و پارتی زۆر باشە، دەستمان ئاشکرایە و یارییەکانی یەکتر دەزانین، بەڵام هەوڵی ئەوە دەدەین واز لەم یارییانە بێنین و بەیەکەوە کار بکەین، لە ئایندەیەکی نزیکدا کۆدەبینەوە بەتایبەت لەبارەی پرۆسەی هەڵبژاردن.

لەلایەکی دیکەوە: سەعدی پیرە دەڵێت یەکێتی بەتەواوی ئامادەیە بۆ هەڵبژاردن، "دوای ئەوەی کۆنگرەمان کرد توانیمان هێزەکان و تواناکانمان کۆبکەینەوە و کێشە ناوخۆیی و دەرەکییەکانمان وەلابنێین".

باکگراوند: دوای نزیکەی سێ مانگ ڕۆژی 4-2-2024 هەردوو مەکتەبی سیاسیی پارتی و یەکێتی لە دەباشان کۆبوونەوە. پرسی پارێزگاری کەرکووک، هێرشەکانی ئێران و تورکیا، ڕەوشی هاووڵاتیان و مووچەخۆرانی هەرێمی کوردستانیان تاوتوێ كرد.