بەربانگی ئاڤا؛ خواستی خەڵک لەسەر شەربەتێکی مەترسیدار و کیتۆ لە ڕەمەزاندا

ئاڤا نیوز

بەربانگی ئاڤا، یەکێکە لە گەورەترین بەرنامەکانی مانگی ڕەمەزان کە لە شاشەی ئاڤا میدیا پەخش دەکرێت و بۆ ماوەی دوو کاتژمێر لەسەر قەڵای دێرینی هەولێر پێشکەش دەکرێت. 

چیرۆکی سەرەکی: لە بەربانگی ئاڤا هەر ڕۆژەی باس لە چەند تەوەرێکی جیاواز دەکرێت، لە دووەم ڕۆژی بەرنامەکەدا پێشکەشکارانی ئاڤا باسیان لە مەترسی خواردنەوەی ئەو شەربەتە دەستکردانە کرد لە کە بازاڕەکاندا دەفرۆشرێن و لە مانگی ڕەمەزاندا خواستێکی زۆریان لەسەرە، هەروەها لە بەشێکی دیکەی بەرنامەکەدا باس لە سوودەکانی کیتۆ و شێوازی پەیڕەوکردنی لەو مانگەدا باسکرا.

ئەوەی پێویستە بیزانیت: لە بەرنامەکە کۆمەڵێک بڕگە و بابەت گفتوگۆی لەبارەوە دەکرێت و کۆمەڵێک سروود و موناجاتی ئایینی تێیدا پێشکەش دەکرێت لەگەڵ گرووپێکی میوزیکی تایبەت بە بەرنامەکە.

ئەمەش بزانە: ڕۆژانە جۆرە خواردنێک لەلایەن شێفی بەناوبانگ هونەرمەند "حەسەن غەفوور" ڕاستەوخۆ لەناو بەرنامەکە ئامادە دەکرێت.

زانیاریی زیاتر: بەرنامەی بەربانگی ئاڤا لە مانگی ڕەمەزان لەلایەن پێشکەشکاران "هێلین حەکیم، ڤینۆ کاروان و ئەلەند خەیری" هەموو ڕۆژێک کاتژمێر 04:00 پێشکەش دەکرێت و چەندین بڕگەی تایبەت و جیاواز لەخۆ دەگرێت.